બુટલેગરો દારૂ લાવવા અજમાવ્યો નવો પેતરો, PCB પોલીસે વોચ ગોઠવી મેળવી સફળતા

ગુજરાતમાં દારૂબંધી(Liquor Ban in Gujarat) એ હવે ખોખલી વાત થઈ ગઈ છે. ગુજરાતમાં વારંવાર દારૂ ઘુસાડવાના અનેક પેતરાઓ બુટલેગરો દ્વારા કરવામાં આવ્યા છે. આવીજ રીતે વડોદરા PCB પોલીસે(Vadodara PCB Police) ACના બિલોની આડમાં ગુજરાતમાં દારુ લાવનારની ધરપકડ કરી છે. આ સાથે લાખોનો મુદ્દામાલ પણ જપ્ત કર્યો છે.

વડોદરા:ગુજરાતમાં કહેવા માટે દારૂબંધી(Liquor Ban in Gujarat) છે તે સૌ કોઈ જાણે છે. એ કંઈ નવી વાત નથી. કોઇને કોઇ બહાને ગુજરાતમાં દારૂ ઘુસાડવાના ષડયંત્રો અવારનવાર સામે આવતા હોય છે ત્યારે હાલમાં વડોદરા પોલીસે(Vadodara PCB Police) ACના બિલોની આડમાં ગુજરાતમાં દારુ લાવનારની ધરપકડ કરી છે. આ સાથે જ કુલ કિંમત રૂપિયા 56,11,585નો મુદ્દામાલ કબજે(Alcohol Seized in Vadodara) કર્યો છે.

આ પણ વાંચો:લઠ્ઠાકાંડ પછી પણ દારૂનું વેચાણ પૂરજોશમાં, વેચનારાઓએ હવે અપનાવ્યો નવો નૂસખો

પોલીસ PCBને પૂર્વ બાતમીના આધારે કન્ટેનરને કોર્ડન કર્યું હતું -વડોદરા શહેર પોલીસ PCBને બાતમી મળી હતી કે એક ટાટા કન્ટેનર ગાડીમાં વિદેશી દારૂનો જથ્થો ભરીને નીકળેલી છે. આ ગાડી હાલમાં હાલોલ થઇને વડોદરા તરફ આવવા માટે રવાના થયેલી છે. સુરત તરફ જનાર છે. આ કન્ટેનરનું કેબીન સફેદ આછા ભૂરા રંગનું તથા કન્ટેનર કેસરી કલરનું છે. જે માહિતી આધારે ગોલ્ડન ટોલનાકા(Vadodara Golden Tolanaka) પાસે છુટા છવાયા વોચમાં(PCB Police Watch ) હાજર રહી કન્ટેનર આવતા કન્ટેનરને કોર્ડન કરી કન્ટેનરમાંથી વિદેશી દારૂનો જથ્થો શોધી કાઢી કાઢ્યો હતો. આ સાથે જગદિશ રધુનાથજી ઢાકાની ધરપકડ પણ કરી હતી અને કાયદેસરની કાર્યવાહી હાથ ધરી હતી.

નારનોલ હાઈવે પરથી વિદેશી દારૂનો જથ્થો ભર્યો હતો -આ વિદેશી દારૂનો જથ્થો AC (એર કન્ડીશન)ના ખોટા ટેક્સ ઇનવોઇસ, ઇ-વે બીલ તથા લોરી બિલ બનાવી રાજસ્થાન બ્યાવરમાં રહેતા ગોપાલસીંગ તેના માણસ થકી હરિયાણા નારનોલ હાઈવે(Haryana Narnol Highway) ઉપરથી કન્ટેનરમાં વિદેશી દારૂનો જથ્થો ભર્યો હતો. આ બાદ ત્યાંથી ડ્રાઇવરને કન્ટેનર આપી ડ્રાઇવર આ કન્ટેનર લઇ હરિયાણા નારનોલ થઈ, જયપુર, શામળાજી, મોડાસા, ગોધરા હાલોલ થઈ, વડોદરા થઈ સુરત તરફ માલની ડિલિવરી કરવા જતો હોવાની હકીકત મળી હતી. જે બાબતે હરણી પોલીસ સ્ટેશનમાં(Harani Police Station) ગુન્હો દાખલ કરવામાં આવ્યો છે.

આ પણ વાંચો:સુરત પોલીસે વિદેશી દારૂના જથ્થાનો કર્યો નાશ

વોન્ટેડ આરોપીનાં નામ:
1. ગોપલસીંગ બ્યાવર રાજસ્થાન
2. હરીયાણા નારનોલથી કન્ટેનરમાં વિદેશી દારૂનો જ્થ્થો ભરી આપનાર
3. સુરત કડોદરામાં રહેતો અને સદર દારૂનો જથ્થો મંગાવનાર