- સપ્તાહના ચોથા દિવસે આજે (ગુરુવારે) ભારતીય શેર બજાર (Share Market) ઐતિહાસિક ઉંચાઈ સાથે બંધ થયું
- સેન્સેક્સ (Sensex) 958.03 તો નિફ્ટી (Nifty) 276.30 પોઈન્ટના ઉછાળા સાથે બંધ થયો
- BSEનો મિડકેપ ઈન્ડેક્સ 1.30 ટકા અને સ્મોલકેપ ઈન્ડેક્સ 0.89 ટકાના વધારા સાથે બંધ થયો
અમદાવાદઃ સપ્તાહના ચોથા દિવસે આજે (ગુરુવારે) ભારતીય શેર બજાર (Share Market) ઐતિહાસિક ઉંચાઈ સાથે બંધ થયું છે. આજે બપોરે 3.30 વાગ્યે બોમ્બે સ્ટોક એક્સચેન્જનો સેન્સેક્સ (Sensex of Bombay Stock Exchange) 958.03 પોઈન્ટ (1.63 ટકા)ના ઉછાળા સાથે 59,885.36ના સ્તર પર બંધ થયો છે. જ્યારે નેશનલ સ્ટોક એક્સચેન્જનો નિફ્ટી (Nifty of National Stock Exchange) 276.30 પોઈન્ટ (1.57 ટકા)ની મજબૂતી સાથે 17,822.95ના સ્તર પર બંધ થયો છે. તો આજે દિવસભર નાના શેર્સમાં પણ જોરદાર ઉછાળો જોવા મળ્યો હતો. તો BSEનો મિડકેપ ઈન્ડેક્સ 1.30 ટકા અને સ્મોલકેપ ઈન્ડેક્સ 0.89 ટકાના વધારા સાથે બંધ થયો છે. આજે મિડકેપ, સરકારી બેન્ક, મેટલ, ઓટો, પાવર અને મીડિયા શેર્સમાં જોરદાર ખરીદી જોવા મળી હતી.
સૌથી વધુ ઉંચકાયેલા (Top Gainers) અને ગગડેલા શેર્સ (Top Losers)
આજે દિવસભર સૌથી વધુ ઉંચકાયેલા 5 શેર્સની (Top Gainers) વાત કરીએ તો, બજાજ ફિન્સર્વ (Bajaj Finserv) 5.05 ટકા, હિન્દલ્કો (Hindalco) 4.37 ટકા, ટાટા મોટર્સ (Tata Motors) 3.68 ટકા, લાર્સન (Larsen) 3.44 ટકા, કોલ ઈન્ડિયા (Coal India) 3.24 ટકા ઉંચકાયા છે. જ્યારે સૌથી વધુ ગગડેલા શેર્સની (Top Losers) વાત કરીએ તો, એચડીએફસી લાઈફ (HDFC Life) -1.15 ટકા, ડો. રેડ્ડીઝ લેબ્સ (Dr. Reddys Labs) -1.01 ટકા, નેસલે (Nestle) -0.43 ટકા, આઈટીસી (ITC) -0.41 ટકા, ટાટા કન્સ્ટ્રક્શન પ્રોડ (Tata Construction Prud) -0.41 ટકા ગગડ્યા છે.