Monsoon Session 2022: મોંઘવારી મુદ્દે સંસદ બહાર વિપક્ષનું પ્રદર્શન, રાહુલ પણ સામેલ

સંસદના ચોમાસુ સત્રનો મંગળવારે બીજો દિવસ (Monsoon Session 2022) છે. આ સાથે જ વિપક્ષે મોંઘવારીને લઈને સંસદની બહાર પ્રદર્શન કર્યું. આ પ્રદર્શનમાં રાહુલ ગાંધીએ પણ ભાગ લીધો હતો.

નવી દિલ્હીઃ સંસદના ચોમાસુ સત્રનો મંગળવારે બીજો દિવસ (Monsoon Session 2022) છે. મોંઘવારીને લઈને વિપક્ષે સંસદની (Parliament Monsoon Session 2022) બહાર પ્રદર્શન કર્યું. આ પ્રદર્શનમાં રાહુલ ગાંધી પણ જોડાયા છે. આ પહેલા 18 જુલાઈના રોજ ચોમાસુ સત્રના પહેલા દિવસે વિપક્ષે લોકસભામાં હંગામો મચાવ્યો હતો. ચોમાસુ સત્ર 12 ઓગસ્ટ સુધી ચાલશે.

વિરોધ પક્ષોએ હંગામો મચાવ્યો હતો: ચોમાસુ સત્રના પહેલા દિવસે લોકસભા અને રાજ્યસભામાં વિરોધ પક્ષોએ હંગામો મચાવ્યો હતો. વિપક્ષે જીએસટી દરમાં વધારો અને અગ્નિપથ યોજના સહિત અનેક મુદ્દાઓ પર સરકારને ઘેરી હતી અને આ મુદ્દાઓ પર ચર્ચાની માંગ કરી હતી. જો કે હંગામાને કારણે લોકસભા અને રાજ્યસભાની કાર્યવાહી મંગળવાર સુધી સ્થગિત કરવામાં આવી હતી.