વેલાચેરી :ઈન્ડિયન ઈન્સ્ટિટ્યૂટ ઑફ ટેક્નોલોજી, (IIT) મદ્રાસના પીએચડી વિદ્યાર્થીએ તમિલનાડુના વેલાચેરીમાં તેના રૂમમાં આત્મહત્યા કરી હતી. આ અંગે માહિતી આપતા તમિલનાડુ પોલીસે જણાવ્યું હતું કે, મૃતક વિદ્યાર્થી પશ્ચિમ બંગાળનો રહેવાસી હતો. તેમની ઉંમર 32 વર્ષની હતી. આ વર્ષે IIT મદ્રાસમાંથી આત્મહત્યાની આ ત્રીજી ઘટના છે. 2018 પછી આ 11મો કિસ્સો છે જ્યારે કોઈ વિદ્યાર્થીએ આત્મહત્યા કરી હોય. 31 માર્ચના રોજ, મૃતક વિદ્યાર્થીએ વોટ્સએપ સ્ટેટસ પોસ્ટ કર્યું હતું કે 'આઈ એમ સોરી નોટ ગુડ ઈનફ'. જેને જોઈને તેના મિત્રો તેના ઘરે પહોંચ્યા હતા.
આ પણ વાંચો :આકાંક્ષા દુબેના મોત પહેલા પોલીસને CCTV ફૂટેજ મળ્યા, હવે આ લોકો શંકાના દાયરામાં
સંસ્થા હૃદયપૂર્વક શોક વ્યક્ત કરે છે : મિત્રોએ તુરંત એમ્બ્યુલન્સ બોલાવી, પરંતુ ત્યાં સુધીમાં તેનું મોત થઈ ગયું હતું. IIT મદ્રાસે તેમના નિધન પર શોક વ્યક્ત કરતા નિવેદન જાહેર કર્યું છે. IIT એ કહ્યું કે 31 માર્ચ, 2023 ના રોજ બપોરે ચેન્નાઈના વેલાચેરી ખાતેના તેમના નિવાસસ્થાને મિકેનિકલ એન્જિનિયરિંગ વિભાગના પીએચડી સંશોધન વિદ્વાનના અકાળે અવસાનથી અમને ખૂબ જ દુઃખ થયું છે. અનુકરણીય શૈક્ષણિક અને સંશોધન રેકોર્ડ ધરાવતા વિદ્યાર્થીની આવી વિદાય એ સંશોધન સમુદાય માટે મોટી ખોટ છે. નિવેદનમાં કહેવામાં આવ્યું છે કે, સંસ્થા હૃદયપૂર્વક શોક વ્યક્ત કરે છે.