- સામાન્ય લક્ષણો જણાય તો હોસ્પિટલ ન જવું
- કોરોના પોઝિટિવ આવ્યા બાદ ગભરાવાની જરૂર નથી
- ઓક્સિજનનું સ્તર ઘટે તો હોસ્પિટલમાં જવું
ચંડીગઢ: હરિયાણામાં કોરોના રોકાવાનું નામ નથી લેતો. દિવસની પ્રગતિ સાથે ચેપગ્રસ્ત દર્દીઓની સંખ્યા ઝડપથી વધી રહી છે. કોરોનાનો ડર એટલો ફેલાયો છે કે, જો કોઈ વ્યક્તિ કોરોના પોઝિટિવ છે તો તે તરત જ હોસ્પિટલમાં આવે છે. આવી સ્થિતિમાં હોસ્પિટલોમાં દર્દીઓનો વધારાનો બોજ આવી રહ્યો છે.
ઘણી વખત, તે દર્દીઓ જેમને તબીબી સેવાઓની સૌથી વધુ જરૂર હોય છે તેઓ સ્થાન મેળવી શકતા નથી. આવી સ્થિતિમાં, સવાલ એ ઉભો થાય છે કે, કોરોનાથી પીડિત ક્યા દર્દીઓએ હોસ્પિટલમાં જવાની જરૂર છે અને ક્યા દર્દીઓ ક્વોરેન્ટાઈન સેન્ટર અથવા ઘરે રહીને તેમની સારવાર મેળવી શકે છે.
આ પણ વાંચો:કોરોનાના લક્ષણ હોવા છતાં RT-PCRનો રિપોર્ટ 32 ટકા કિસ્સામાં નેગેટિવ આવી શકે છેઃ નિષ્ણાતો
હળવો તાવ આવે તો ગભરાવાની જરૂર નથી
આ સંદર્ભમાં, ETV Bharat હરિયાણાની ટીમે ચંદીગઢ PGIના પબ્લિક હેલ્થના ડોક્ટર સોનુ ગોયલ સાથે વાત કરી હતી. ડો.સોનુ ગોયલે કહ્યું કે, કોરોના હોવાનો અર્થ એ નથી કે તમારે તરત જ હોસ્પિટલમાં દાખલ થવું પડશે. આ માટે ઘણા સંજોગો ભાગ ભજવે છે. જો કોરોના પોઝિટિવ બન્યા પછી જો હળવો તાવ આવે તો ગભરાવાની જરૂર નથી. જો તાવ વધારે હોય તો ડોક્ટર સાથે વાત કરો.