ભોપાલ: વારાણસીના જ્ઞાનવાપીના (Gyanvapi Mosque Issue) મુદ્દા પર ન્યૂઝ ડીબેટ વખતે મોહમ્મદ પયગંબર વિશે ભાજપના પૂર્વ રાષ્ટ્રીય પ્રવક્તા નુપુર શર્માએ (Nupur Sharma Statement Controversy) બાફી માર્યું હતું. જેના કારણે દેશ અને દુનિયામાં અનેક પ્રકારની ચર્ચા સાથે એનો વિરોધ થઈ રહ્યો છે. આ વિષયમાં ભાજપ પક્ષ અને સરકાર ચોખવટ (Central And BJP Specification) કરી રહ્યો છે. એવામાં મધ્ય પ્રદેશના પાટનગર ભોપાલના સાંસદ પ્રજ્ઞા ઠાકુરે (Bhopal MP Pragya Thakur ) નુપુર શર્માનું સમર્થન કર્યું છે. પ્રજ્ઞાસિંહ ઠાકુરનું નિવેદન ચર્ચાનો વિષય બન્યું છે. પણ એનું ટ્વિટ ભાજપમાં અનેક મુદ્દાઓને વિચારવા પ્રેરે છે.
આ પણ વાંચો:મુસેવાલ હત્યાકાંડ: પૂણેથી બે આરોપીઓની ધરપકડ, દિલ્હી પોલીસે કર્યો મોટો ઘટસ્ફોટ
જય હિન્દુત્વનો નારો:પ્રજ્ઞાસિંહ ઠાકુરે ટ્વિટ કરતા કહ્યું હતું કે, સાચું કહેવું જો બગાવત હોય તો સમજી અમે પણ બળવાખોર છીએ. જય સનાતન, જય હિન્દુત્વ, જ્યારે અમારા દેવને કોઈ ફુવારો કહે છે ત્યારે અમને તકલીફ થાય છે. પ્રજ્ઞાસિંહને નગર નિગમની ચૂંટણી માટેની કમિટીમાં સ્થાન મળ્યું નથી. જે મામલે તેમણે એક ટ્વીટ કરીને પોતાની પીડાને વાચા આપી છે. તારીખ 27 મેના રોજ એક ન્યૂઝ ચેનલ પર ડિબેટ દરમિયાન ભાજપની રાષ્ટ્રીય પ્રવક્તા નુપુર શર્મા પેનલમાં બેઠા હતા. પછી અન્ય એક વ્યક્તિ સાથે ચર્ચા શરૂ થઈ ગઈ હતી. આ દરમિયાન નુપુર શર્માએ મોહમ્મદ પયગંબર વિશે વાંધાજનક શબ્દો પ્રયોગ કરીને ટિપ્પણી કરી હતી. જોકે, આ મામલે નુપુર શર્માને ભાજપે પ્રવક્તા પદેથી રજા આપી દીધી હતી.