મધ્ય પ્રદેશ: વડાપ્રધાન નરેન્દ્ર મોદી અંગે રાહુલ ગાંધીએ બુધવારે વિવાદાસ્પદ નિવેદન આપ્યું હતું. આ નિવેદનની પ્રતિક્રિયા આપતા લઘુમતી બાબતોના કેન્દ્રીય પ્રધાન મુખ્તાર અબ્બાસ નકવીએ કહ્યું કે, સોનિયા ગાંધીએ રાહુલને રાજનીતિના બાલમંદિરમાં મુકીવો જોઈએ. રાહુલ હજૂ બાળક છે. તેનામાં વાત કરવાની આવડત નથી. તેનામાં ભાષાકીય જ્ઞાનની ઉણપ છે.
દિલ્હીમાં ચૂંટણી પ્રચાર દરમિયાન બુધવારે રાહુલ ગાંધીએ એક રેલીમાં નિવેદન આપ્યું હતું કે, જો બે રોજગારી ઘટાડવા પગલા ન લીધા તો, છ સાત મહિના બાદ દેશના યુવાનો તેમને ડંડાથી મારશે.
શાહીન બાગમાં પ્રદર્શનકારીઓને ગેરમાર્ગે દોર્યા
ઈન્દોરમાં એક કાર્યક્રમ દરમિયાન નકવીએ નાગરિકતા સંશોધન કાયદા(CAA)નો વિરોધ કરવાવાળા પર આકરા પ્રહારો કર્યા હતા. તેમણે કહ્યું કે, દિલ્હીના શાહીન બાગમાં CAAના વિરોધમાં બેઠેલા લધુમતિ સમાજ પર મને દયા આવે છે. કેમ કે તેમને ગેરમાર્ગે દોરવામાં આવી રહ્યા છે.
ગેરમાર્ગે દોરાયેલા લોકોએ સાચી હકીકત જાણવાની જરૂર છે
મુખ્તાર અબ્બાસ નકવીએ સ્પષ્ટ કર્યું કે, સરકારે CAAના વિરોધમાં બેસવા કહ્યું નથી, સરકાર તેમને ત્યાંથી હટી જવા પણ દબાણ નહીં કરે, પણ એક વાત જાણી લો, કેટલાક લોકોએ તેમને ગેરમાર્ગે દોર્યા છે. શાહીન બાગમાં બેઠેલા પ્રદર્શનકારીઓને આ ગેરમાર્ગે દોરનાર લોકોની સંગતમાંથી બહાર આવવું પડશે.
તેમણે એ પણ ઉમેર્યું હતું કે, દરેક લઘુમતિ સમુદાયનો માણસ ભારતનો નાગરિક છે, તેની નાગરિકતા પર કોઈ આંચ નહીં આવે.
