ઓસ્ટ્રેલિયાના બેટ્સમેન એરોન ફિન્ચે નિવૃત્તિની જાહેરાત કરી

ઓસ્ટ્રેલિયન ODI ટીમના કેપ્ટન એરોન ફિન્ચે ODI ક્રિકેટમાંથી નિવૃત્તિ સતાવાર જાહેર કરી છે. તે 11 સપ્ટેમ્બરે ન્યૂઝીલેન્ડ સામેની ત્રીજી વનડેમાં છેલ્લી વખત ટીમનું નેતૃત્વ કરતા જોવા મળશે. Aaron Finch One Day Cricket Retirement, Aaron Finch Retirement, Australian Captain Aaron Finch, Aaron Finch ODI Career

નવી દિલ્હીઃઓસ્ટ્રેલિયાના બેટ્સમેન એરોન ફિન્ચે આંતરરાષ્ટ્રીય ક્રિકેટમાંથી નિવૃત્તિ લેવાની જાહેરાત કરી છે(Aaron Finch One Day Cricket Retirement). જો કે, તે હજુ સુધી સ્પષ્ટ નથી કે તે તમામ આંતરરાષ્ટ્રીય ફોર્મેટમાંથી નિવૃત્તિ લેશે કે માત્ર એક દિવસીય આંતરરાષ્ટ્રીય ક્રિકેટમાંથી. મીડિયા અહેવાલો અનુસાર, તે નિશ્ચિત છે કે ઓસ્ટ્રેલિયાનો 24મો ODI કેપ્ટન(Australian Captain Aaron Finch) રવિવારે કેર્ન્સમાં ન્યૂઝીલેન્ડ સામે તેની 146મી અને અંતિમ વનડે રમશે. એરોન ફિન્ચની ODI કરિયરની(Aaron Finch ODI Career) વાત કરીએ તો અત્યાર સુધી રમાયેલી 145 મેચોમાં આ ખેલાડીએ 39.14ની એવરેજથી 5401 રન બનાવ્યા છે.

ODI ફોર્મેટને કહેશે અલવિદા ફિન્ચના નામે ODI ફોર્મેટમાં 17 સદી છે અને તે ઓસ્ટ્રેલિયા માટે રિકી પોન્ટિંગ, માર્ક વો અને ડેવિડ વોર્નર પછી બીજા નંબરનો સૌથી વધુ સ્કોરર છે. પોન્ટિંગે આ ફોર્મેટમાં ઓસ્ટ્રેલિયા માટે સૌથી વધુ 29 વખત 100નો આંકડો સ્પર્શ કર્યો છે, જ્યારે ડેવિડ વોર્નર અને માર્ક વો 18-18 સદી સાથે ફિન્ચ કરતા આગળ છે. ફિન્ચે 2023ના ODI વર્લ્ડ કપને પોતાનો અંતિમ લક્ષ્ય ગણાવ્યો હતો, પરંતુ તેના ખરાબ ફોર્મને કારણે તેણે પહેલા આ ફોર્મેટમાંથી નિવૃત્તિ લેવી પડી હતી.

સતત ખરાબ ફોર્મનો બન્યો શિકાર શનિવારે સવારે જારી કરાયેલા એક નિવેદનમાં ફિન્ચે કહ્યું કે, હવે સમય આવી ગયો છે કે નવા કેપ્ટનને આગામી વનડે વર્લ્ડ કપની તૈયારી કરવાની અને જીતવાની શ્રેષ્ઠ તક આપવામાં આવે. 2013માં પોતાની ODI ડેબ્યૂ કરનાર ફિન્ચે કહ્યું કે કેટલીક અવિશ્વસનીય યાદો સાથે આ એક શાનદાર યાત્રા રહી છે. હું કેટલીક મહાન ODI ટીમોનો ભાગ બનવા માટે ખૂબ જ ભાગ્યશાળી રહ્યો છું. હું જેની સાથે રમ્યો છું તે દરેક દ્વારા મને આશીર્વાદ મળ્યા છે અને ઘણા લોકો પડદા પાછળ છે. હું એ તમામ લોકોનો આભાર માનું છું જેમણે મારી આ બિંદુ સુધીની સફરમાં મને મદદ અને સમર્થન કર્યું છે. ન્યૂઝીલેન્ડ સામેની વનડે શ્રેણી બાદ ક્રિકેટ ઓસ્ટ્રેલિયા ટીમના નવા કેપ્ટનની જાહેરાત કરી શકે છે. સ્ટીવ સ્મિથ, ગ્લેન મેક્સવેલ અને પેટ કમિન્સ તેના પ્રબળ દાવેદાર છે.