અમદાવાદ:આજે IPL 2024ની 12મી મેચ ગુજરાત ટાઇટન્સ અને સનરાઇઝર્સ હૈદરાબાદ વચ્ચે અમદાવાદના નરેન્દ્ર મોદી સ્ટેડિયમમાં રમાશે. જ્યારે આ બંન્ને રમવા માટે ઉતરશે ત્યારે બંનેનો ધ્યેય બીજી જીત માટે રહેશે. બંને ટીમો વચ્ચે બપોરે 3.30 વાગ્યાથી મેચ રમાશે. મેચ પહેલા દર્શકોમાં અનેરો ઉત્સાહ જોવા મળી રહ્યો છે. ક્રિકેટ ચાહકો બંન્ને ટીમને સપોર્ટ કરતા જોવા મળી રહ્યા છે.
લંડનથી ક્રિકેટ ચાહકો મેચ જોવા આવ્યા: ગુજરાત ટાઇટન્સ અને સનરાઇઝર્સ હૈદરાબાદ વચ્ચેની મેચ જોવા, લંડનથી ક્રિકેટ ચાહકો આવ્યા છે. એક ફેન પહેલીવાર ઈન્ડીયા આવ્યા છે જેઓ ગુજરાત ટાઇટન્સને સપોર્ટ કરે છે અને તેમણે અમદાવાદના નરેન્દ્ર મોદી સ્ટેડિયમની પ્રસંશા કરી હતી.
GT અને SRH સામ સામે: IPLમાં અત્યાર સુધીમાં ગુજરાત ટાઇટન્સ અને સનરાઇઝર્સ હૈદરાબાદ ત્રણ વખત સામસામે આવી ચૂકી છે. GTએ બે મેચ જીતી છે, જ્યારે SRHએ એક મેચ જીતી છે. હાલ ગુજરાત ટાઇટન્સ પોઈન્ટ ટેબલમાં આઠમા સ્થાને છે. જ્યારે સનરાઈઝર્સ હૈદરાબાદ પોઈન્ટ ટેબલમાં ચોથા સ્થાને છે.