જયપુર : 26મીએ લોકસભા ચૂંટણીના બીજા તબક્કામાં રાજસ્થાનની 13 સીટો પર મતદાન યોજાશે. રાજસ્થાન પોલીસ અને કેન્દ્રીય સુરક્ષા દળોના 85,000થી વધુ જવાનો સુરક્ષાની જવાબદારી સંભાળશે. આ સાથે 14,460 બૂથ પર મતદાન પ્રક્રિયાનું લાઈવ વેબકાસ્ટિંગ કરવામાં આવશે.
સુરક્ષા દળોની તહેનાતી :એડીજી (કાયદો અને વ્યવસ્થા) વિશાલ બંસલે જણાવ્યું કે બીજા તબક્કામાં 26 એપ્રિલે રાજસ્થાનની 13 સીટો પર મતદાન - ચૂંટણી યોજાવાની છે. આ માટે 28,758 બૂથ પર મતદાન થશે. નિષ્પક્ષ, પારદર્શક અને શાંતિપૂર્ણ મતદાન માટે રાજસ્થાન પોલીસ અને કેન્દ્રીય અર્ધલશ્કરી દળોના 85,000થી વધુ જવાનો મતદાન કેન્દ્રો પર તૈનાત રહેશે. તેમણે જણાવ્યું કે રાજસ્થાન પોલીસના 75,000 જવાનોને ચૂંટણી ફરજ માટે તહેનાત કરવામાં આવ્યા છે. આ ઉપરાંત રાજસ્થાનના ચૂંટણી વિસ્તારોમાં કેન્દ્રીય સુરક્ષા દળોની 175 ટુકડીઓ પણ તહેનાત કરવામાં આવી છે. આ ઉપરાંત હોમગાર્ડ અને બોર્ડર હોમગાર્ડના જવાનોને પણ મોટી સંખ્યામાં તહેનાત કરવામાં આવ્યા છે.
સંવેદનશીલ બૂથ પર કડક સુરક્ષા : તેમણે કહ્યું કે રાજસ્થાનની 13 સીટો પર મતદાનને લઇ સંવેદનશીલ અને અતિસંવેદનશીલ બૂથ પર વધારાની સુરક્ષા વ્યવસ્થા કરવામાં આવી છે. આવા સંવેદનશીલ અને અતિસંવેદનશીલ બૂથની સંખ્યા 14 હજારથી વધુ છે. પોલીસ કર્મચારીઓની સાથે કેન્દ્રીય સુરક્ષા દળોના સશસ્ત્ર જવાનો પણ અહીં તહેનાત રહેશે. આ બૂથ પર મતદાન પ્રક્રિયાનું વેબકાસ્ટિંગ પણ કરવામાં આવશે. આ સાથે મોબાઈલ યુનિટ પણ બનાવવામાં આવ્યું છે. આ યુનિટ મતદાન પ્રક્રિયા દરમિયાન બૂથ પર સતત ફરતું રહેશે. જ્યાં પણ કાયદો અને વ્યવસ્થાને લઈને ગરબડ થશે. આ મોબાઈલ યુનિટ તાત્કાલિક સ્થળ પર પહોંચીને પરિસ્થિતિને સંભાળશે.
મતદાન બાદ EVMની સુરક્ષા માટે ખાસ વ્યવસ્થા : 26 એપ્રિલના રોજ સવારે 7 થી સાંજે 6 વાગ્યા સુધી મતદાન યોજાશે. આ પછી કડક સુરક્ષા હેઠળ ઈવીએમને સંગ્રહ કેન્દ્રો પર લઈ જવામાં આવશે. સમર્પિત અધિકારીઓ અને સૈનિકોને EVM ને સુરક્ષિત સંગ્રહ કેન્દ્રો સુધી સુરક્ષિત રીતે પહોંચાડવા માટે ફરજ પર મૂકવામાં આવ્યા છે. ઈવીએમને સંગ્રહ કેન્દ્રો પર ત્રણ સ્તરીય સુરક્ષા હેઠળ રાખવામાં આવશે. ઈવીએમ 24 કલાક સીસીટીવી કેમેરાની દેખરેખ હેઠળ રહેશે.
- 26 એપ્રિલે મતદાનના દિવસે પીએમ મોદી બિહારની મુલાકાતે, તેજસ્વી યાદવે X પર પુછ્યા સવાલ - Bihar Lok Sabha Election 2024
- અશોક ગેહલોતના OSD લોકશ શર્માના આરોપ બાદ રાજકારણ ગરમાયું, ભાજપે મોકા પર માર્યો ચોકો - BJP Targeted Gehlot
