তিনিচুকীয়াত মন্ত্ৰী সঞ্জয় কিষানৰ কেইবাটাও অঞ্চল ভ্ৰমণ

তিনিচুকীয়া সমষ্টিৰ কেইবাটাও অঞ্চল ভ্ৰমণ অসম চৰকাৰৰ শ্ৰম আৰু চাহ দপ্তৰৰ মন্ত্ৰী সঞ্জয় কিষানৰ ৷ কেইবাখনো চাহ বাগিছাত উপস্থিত হৈ মন্ত্ৰীগৰাকীয়ে ক’ভিড পৰিস্থিতিৰ বুজ লোৱাৰ লগতে শ্ৰমিকসকলৰ মাজত মাস্ক আৰু চেনিটাইজাৰ বিতৰণ কৰে ৷

তিনিচুকীয়া, 4 জুন: ক'ভিড-১৯ৰ ভয়াৱহতাৰ প্ৰতি লক্ষ্য ৰাখি ২ জুনত অসম চৰকাৰৰ শ্ৰম আৰু চাহ দপ্তৰৰ মন্ত্ৰী সঞ্জয় কিষানে দিনযোৰা কাৰ্যসূচীৰে তিনিচুকীয়া সমষ্টিৰ কেইবাটাও অঞ্চলত ভ্ৰমণ কৰে । প্ৰথমে তিনিচুকীয়াৰ বজালনি ৭ নং চাহ বাগিচাত উপস্থিত হৈ মন্ত্ৰী সঞ্জয় কিষানে চাহ বাগিচাৰ পৰিচালকৰ সৈতে বাগিচাৰ পৰিস্থিতিৰ বুজ লয় আৰু চাহ বাগিচাৰ শ্ৰমিক সকলৰ মাজত মাস্ক বিতৰণ কৰে ।

মন্ত্ৰীজনে চাহ বাগিচাৰ শ্ৰমিক সকলক মাস্ক ব্যৱহাৰ কৰি সামাজিক দুৰত্ব মানি চলিবলৈ আহ্বান জনোৱাৰ লগতে যদি স্বাস্থ্য বেয়া লাগে তেন্তে লগে লগে স্বাস্থ্যকেন্দ্ৰত উপস্থিত হ'বলৈ আহ্বান জনায় । ইয়াৰ পাচত লাংকাছি চাহ বাগিচাৰ কন্টেনমেন্ট জ’নত উপস্থিত হৈ কন্টেইনমেন্ট জ'নৰ আইচলেশ্যনত থকা ক'ভিড আক্ৰান্ত লোকসকলক সাক্ষাৎ কৰি পৰিস্থিতিৰ বুজ লোৱাৰ লগতে মন্ত্ৰীজনে চাহ বাগিচাৰ শ্ৰমিক সকলক মাস্ক বিতৰণ কৰে ।

ইয়াৰ পাচত লিডুত উপস্থিত হৈ সামগ্ৰিক পৰিৱেশ পৰ্যবেক্ষণ কৰি কিষানে অঞ্চলৰ ৰাইজৰ সতে মত বিনিময় কৰে । উল্লেখ্য যে, ক'ভিড মহামাৰীৰ প্ৰতি লক্ষ্য ৰাখি ক'ভিডৰ সময়ত ৰাইজক সজাগ কৰি তুলিবলৈ মাৰ্ঘেৰিটা মহকুমাধিপতিৰ কাৰ্যালয়ত উপস্থিত হৈ মন্ত্ৰীগৰাকী এক গুৰুত্বপূৰ্ণ আলোচনাত মিলিত হয় ।

লগতে পঢ়ক :মানাহৰ বুকুত বিলীন হোৱাৰ দিশে অভয়াপুৰীৰ গোলাপাৰা