তেজপুৰ, ১২ আগষ্ট: শোণিতপুৰ জিলাৰ ঢেকীয়াজুলিত কিশোৰী আৰতি তুৰিৰ বাসগৃহত উপস্থিত হৈ দৰং আৰক্ষীৰ ভূমিকাত অসন্তুষ্ট বুলি মন্তব্য প্ৰকাশ কৰিলে মুখ্যমন্ত্ৰী হিমন্ত বিশ্ব শৰ্মাই । বনকৰা কিশোৰী আৰতি তুৰিৰ মৃত্যুৰ ঘটনাৰ তদন্তৰ বাবে SIT গঠনৰ ঘোষণা মুখ্যমন্তৰীগৰাকীৰ ৷
আৰতি তুৰি নামৰ ১৩ বছৰীয়া কিশোৰীগৰাকীৰ বাসগৃহত উপস্থিত হ’ল মুখ্যমন্ত্ৰীগৰাকী ৷ তিনিমাহ পূৰ্বে দৰঙৰ ধূলাত বনকৰা হিচাপে কাম কৰা ১৩ বছৰীয়া কিশোৰী আৰতি তুৰিৰ ৰহস্যজনকভাৱে মৃত্যু হৈছিল(Dhekiajuli Minor Girl Dead)৷ এই সন্দৰ্ভত অভিযুক্ত কৃষ্ণ কমল বৰা আৰু নাৰ্জি নাথক ইতিমধ্যে দৰঙৰ ধূলা আৰক্ষীয়ে গ্ৰেপ্তাৰ কৰি জেল’লৈ প্ৰেৰণ কৰিছে ৷ ঢেকিয়াজুলিস্থ কিশোৰীগৰাকীৰ ঘৰত আজি মুখ্যমন্ত্ৰী হিমন্ত বিশ্ব শৰ্মাই পৰিয়ালৰ সৈতে মতবিনিময় কৰিবলৈ উপস্থিত হ’ল (Himanta Biswa Sarma at Dhekiajuli)৷
দৰং আৰক্ষীৰ ভূমিকাক লৈ অসন্তুষ্ট মুখ্যমন্ত্ৰী হিমন্ত বিশ্ব শৰ্মা পৰিয়ালৰ সৈতে সুকীয়াকৈ এই সন্দৰ্ভত কথা পতাৰ পাচত মুখ্যমন্ত্ৰী ড৹ হিমন্ত বিশ্ব শৰ্মাই সাংবাদিকৰ আগত মন্তব্য কৰে যে আৰতি তুৰিৰ ৰহস্যজনক মৃত্যুৰ ঘটনাৰ তদন্তৰ ক্ষেত্ৰত দৰং আৰক্ষীয়ে গাফিলতি কৰিছে৷ প্ৰথমে গোচৰ ল’ব বিচৰা নাছিল ৷ পাচত গোচৰ ৰুজু কৰি দোষীক গ্ৰেপ্তাৰ কৰিছিল ৷ কিন্তু ইয়াৰ তদন্তত দৰং আৰক্ষীয়ে ক্ৰটি কৰিছে ৷ পৰিয়ালটোক ন্যায় দিবলৈ আজি SIT গঠনৰ কথা ঘোষণা কৰে মুখ্যমন্ত্ৰীগৰাকীয়ে ৷
মুখ্যমন্ত্ৰীৰ সৈতে উপস্থিত আছিল মন্ত্ৰী অশোক সিংঘাল, সাংসদ পল্লৱ লোচন দাস আৰু আৰক্ষী সঞ্চালক প্ৰধান ভাস্কৰজ্যোতি মহন্ত ৷ ঘটনা সন্দৰ্ভত চৰকাৰে তৎপৰতাৰে ব্যৱস্থা গ্ৰহন কৰিব আৰু ন্যায় দিব পৰিয়ালটোক বুলি মুখ্যমন্ত্ৰীয়ে আশ্বাস দিয়ে ৷ ইপিনে আৰতি তুৰিৰ মাতৃ আৰু ভগ্নীয়ে মুখ্যমন্ত্ৰীয়ে তেওঁলোকৰ বাসগৃহত উপস্থিত হৈ দোষীক শাস্তি প্ৰদান কৰা হ’ব বুলি আশ্বাস দিয়াত সন্তুষ্টি প্ৰকাশ কৰে ৷
লগতে পঢ়ক:Tragic incident: অসবৰ্ণ বিবাহ কৰাৰ বাবেই অতুল শৰ্মাক সৎকাৰৰ বাবে নাহিল কোনো
