স্পৰ্টছ ডেস্ক, ২৬ অক্টোবৰ :চলিত আইচিচি বিশ্বকাপত বিৰাট কোহলীয়ে সুন্দৰ বেটিং প্ৰদৰ্শন কৰি আহিছে । যাৰ বাবে টীম ইণ্ডিয়াই নিজৰ লীগ পৰ্যায়ৰ অন্তিম পাঁচখন মেচৰ আটাইকেইখনতে জয়লাভ কৰিছে । ২০২৩ চনৰ বিশ্বকাপত এতিয়ালৈকে ভাৰতীয় দলটোৱে ৫ খন মেচৰ ভিতৰত ৫ খনতে বিজয় সাব্যস্ত কৰাৰ পিছত ১০ পইণ্টেৰে পইণ্ট তালিকাৰ শীৰ্ষস্থান অক্ষুণ্ণ ৰাখিছে । বৰ্তমান বিৰাটে লক্ষ্ণৌৰ একানা ক্ৰিকেট ষ্টেডিয়ামত ইংলেণ্ডৰ বিৰুদ্ধে মেচখনৰ পূৰ্বে মাতৃৰ প্ৰতি তেওঁৰ মৰম কথা প্ৰকাশ কৰিছে ।
মাতৃৰ বিষয়ে কথা পাতি বিৰাট কোহলীয়ে কয়, "মোৰ মাৰ যত্ন লোৱাটো মোৰ বাবে অতি গুৰুত্বপূৰ্ণ । তেওঁলোকৰ সুখেই মোৰ বাবে সকলো বুজায় । বৰ্তমান সময়ত, এটা সৰু বস্তু যিয়ে তেওঁলোকক সুখী কৰিব পাৰে, সেই একেই বস্তুটোৱে মোকো সুখী কৰে ।"
বিৰাট কোহলীয়ে লগতে কয়, "মোৰ মায়ে ভাবে যে মই বিগত ৮-৯ বছৰ ধৰি অসুস্থ হৈ আছোঁ আৰু মই তেওঁক এই কথা কোৱা নাই । কাৰণ মই ফিটনেছৰ ওপৰত গুৰুত্ব দিছোঁ । তেওঁ মোক কয় যে তোমাক দুৰ্বল দেখাইছে । সেয়ে মোৰ মায়ে মোক প্ৰতিদিনে ফোন কৰে আৰু খোৱা-লোৱাৰ বিষয়ে সোধে ।"