চাৰিওফালে কেৱল পানী আৰু পানী: একেৰাহে পাঁচদিন গছত উঠি থাকিহে প্ৰাণটো বচালে সুনন্দই

প্ৰত্যাহ্বানমূলক পৰিস্থিতিত উদ্ধাৰ

লোকজনক বাঢ়নী পানীয়ে উটুৱাই নিয়াৰ পিছতে ৰাজ্যখনৰ দুৰ্যোগ প্ৰশমন বিভাগক খবৰ দিয়া হয় ৷ বিভাগে ততাতৈয়াকৈ সেই স্থানত উপস্থিত হৈ উদ্ধাৰ অভিযান আৰম্ভ কৰে ৷ যথেষ্ট কষ্ট আৰু প্ৰত্যাহ্বানৰ অন্তত উদ্ধাৰকাৰী দলটোৱে সুনন্দক উদ্ধাৰ কৰি নিৰাপদে স্থানলৈ আনে ৷

কোনোধৰণৰ খাদ্য-পানী অবিহনে পাঁচদিনকৈ গছৰ আশ্ৰয়তে দিন পাৰ কৰা লোকগৰাকী যথেষ্ট দুৰ্বল অৱস্থাত থকা বুলি উদ্ধাৰকাৰী দলে জানিবলৈ দিয়ে ৷ লোকগৰাকীক উদ্ধাৰ কৰাৰ সময়ত তেওঁৰ সৰ্বশৰীৰ কঁপি আছিল ৷

শাৰীৰিক অৱস্থাটো দেখিয়েই তেওঁক ততালিকে চিকিৎসালয়ত ভৰ্তি কৰোৱা হয় ৷ তেওঁৰ স্বাস্থ্যৰ অৱস্থা সংকটজনক ৷ এগৰাকী উদ্ধাৰকৰ্মীয়ে কয়, ‘‘আমি যেতিয়া সেই স্থানত উপস্থিত হৈছিলো, তেতিয়া সুনন্দ অত্যন্ত দুৰ্বল হৈ আছিল । তেওঁ ভালদৰে কথা ক'ব পৰা নাছিল আৰু শৰীৰৰ অংগ-প্ৰত্যংগবোৰ কঁপিবলৈ ধৰিছিল । আমি তেওঁক সাৱধানে গছৰ পৰা নমাই নিৰাপদ স্থানলৈ লৈ গৈছিলো । পানীৰ গভীৰতা আৰু প্ৰবল সোঁতৰ বাবে উদ্ধাৰ অভিযানটো যথেষ্ট প্ৰত্যাহ্বানজনক আছিল ।’’

উল্লেখ্য যে, ওড়িশা অগ্নিনিৰ্বাপক আৰু জৰুৰীকালীন সেৱা বিভাগৰ তথ্য অনুসৰি বানপীড়িত ছখন জিলাত উদ্ধাৰ আৰু সাহায্য অভিযান চলি আছে । ১৫০টা পশুধনৰ লগতে প্ৰায় ১০০০ লোকক বানৰ পৰা উদ্ধাৰ কৰা হৈছে । উদ্ধাৰ আৰু সাহায্য অভিযানৰ বাবে ১২৫টা অগ্নিনিৰ্বাপক বাহিনীৰ দল মোতায়েন কৰা হৈছে ।

লগতে পঢ়ক:কলকাতাৰ হোটেলত অগ্নিকাণ্ড: শিশু, বাংলাদেশী নাগৰিকসহ ৯ জনৰ মৃত্যু