ریاست مغربی بنگال کے بردوان ضلع کے مسلم اکثریتی علاقہ آسنسول میں واٹر ٹرٹمینٹ پلانٹ میں تکنیکی خرابی کے سبب آسنسول میونسپل کارپوریشن کے بیشتر علاقوں میں پانی سپلائی متاثر ہے۔ Asansol Municipal Corporation،ذرائع کے مطابق واٹر ٹرٹمینٹ پلانٹ میں تکنیکی خرابی کے باعث گزشتہ چار پانچ دنوں سے عام لوگوں پانی کی عدم دستیابی کے باعث پریشانیوں کا سامنا کرنا پڑرہا ہے ۔
میونسپل کارپوریشن کے علاقوں کے چند نلوں میں پانی آ رہا ہے،جس کے سبب وہاں پر لوگوں کی بھیڑ جمع ہوجاتی ہے، لوگ ٹیوب ویل کا پانی استعمال کرنے پر مجبور ہیں۔
بی جے پی کی رکن اسمبلی اگنی مترا پال نے کہا کہ آسنسول میونسپل کارپوریشن کی لاپرواہی کے سبب مختلف وارڈوں کے عام لوگ پانی کی قلت سے پریشانیوں کا سامنا کرنا پڑرہا ہے،انہوں نے کہا کہ آسنسول میونسپل کارپوریشن کے مئیر کو عرضداشت پیش کی گئی ہے
مزید پڑھیں:Firhad Hakim On Waterlogging: فرہاد حکیم کی پانی کے جماؤ سے نجات دلانے کی یقین دہانی
اس ضمن آسنسول میونسپل کارپوریشن کے مئیر نے کہا کہ ٹریٹمینٹ پلانٹ کی مرمت کا کام جاری ہے. رات تک مرمت کا کام مکمل ہو جائے گا. امید کرتے ہیں بہت جلد متاثرہ علاقوں میں پانی کی سپلائی دوبارہ حسب معمول ہوجائے گی۔