کولکاتا: بی جے پی کے رہنما اور مرکزی وزیر داخلہ امت شاہ ان دنوں مغربی بنگال کے دورے پر ہیں۔ امت شاہ گرودیو رابندر ناتھ ٹیگور کے 162 ویں یوم پیدائش کے موقع پر منگل کو جوراسانکو ٹھاکر باڑی پہنچے۔ حزب اختلاف اور رکن اسمبلی شبھندو ادھیکاری اور بھارتیہ جنتا پارٹی (بی جے پی) کے مغربی بنگال کے ریاستی صدرسوکانت مجمدار بھی امت شاہ کے ساتھ رہے۔امت شاہ یہاں سے لینڈ پورٹ اتھارٹی آف انڈیا اور بی ایس ایف کے مختلف ترقیاتی منصوبوں کے سنگ بنیاد کی تقریب اور افتتاح میں حصہ لینے کے لئے شمالی 24 پرگنہ ضلع کے پیٹرا پول گئے ۔
وہ فل ڈوم فلم لیومینریز آف بنگال کی ریلیز کے لئے سائنس سٹی میں ایک تقریب میں حصہ لیں گے اور ”کھولا ہوا“کی طرف سے منعقد ویندرجینتی کی تقریبات میں حصہ لینے کے بعد کئی پروجیکٹوں کا افتتاح کریں گے۔کھلا ہوا کے صدر اور راجیہ سبھا کے سابق رکن سوپن داس گپتا نے کہا کہ ملک میں ’آزادی کے امرت مہوتسو‘کی تقریبات کے حصے کے طور پر اس پروگرام کو وزارتثقافت کے ذریعے حمایت کی جارہی ہے۔ پروگرام میں شاہ جدید ہندوستانی فکر پر ٹیگور کے اثرات پر روشنی ڈالیں گے۔
یہ بھی پڑھیں:Rabindranath Tagore Birth Anniversary وزیراعلیٰ ممتابنرجی نے رابندر ناتھ ٹئیگور کو خراج پیش کیا
اس سے پہلے گرودیو رابندر ناتھ ٹیگور کو آج ان کے یوم پیدائش پر سلام کرتے ہوئے امت شاہ نے ٹویٹر پر لکھا، ”گرودیو ٹیگور کو ان کی یوم پیدائش پر میرا خراج عقیدت۔ انصاف اور مساوات کے بارے میں ان کے خیالات نے ہندوستان کے عالمی نظریہ کو تشکیل دیا، جبکہ ان کے لازوال کاموں نے تحریک آزادی کو فکری بنیاد فراہم کی۔ وہ ہمارے لیے ایک بصیرت والا شاعر اور روشنی کا مینار بنے ہوئے ہیں۔
