کولکاتا: مانک بھٹاچاریہ کو پیر کی رات کئی گھنٹے پوچھ گچھ کے بعد گرفتار کیا گیا ہے۔پارتھو چٹرجی کے بعد بھٹاچاریہ ترنمول کانگریس کے دوسرے ممبر اسمبلی ہیں جنہیں مغربی بنگال کے اسکولوں میں تدریسی اور غیر تدریسی عملے کی بھرتی سے متعلق مبینہ گھوٹالے میں گرفتار کیا گیا ہے۔TMC MLA Manik Bhattacharya Arrest In SSC Scam In West Bengal
ای ڈی مغربی بنگال اسکول سروس کمیشن اور مغربی بنگال بورڈ آف پرائمری ایجوکیشن کے ذریعہ کی گئی بھرتیوں میں مبینہ گھوٹالے میں منی لانڈرنگ کے الزامات کی جانچ کر رہی ہے۔
بھٹاچاریہ کوکلکتہ ہائی کورٹ نے جون میں ریاستی پرائمری تعلیمی بورڈ کے چیئرمین کے عہدے سے ہٹا دیا تھا، کافی عرصے سے ای ڈی کے ریڈار پر تھے۔ سی بی آئی نے بھی ان کے خلاف لک آؤٹ نوٹس جاری کررکھا ہے۔
یہ بھی پڑھیں:ـNIA Raids in JK این آئی اے نے جموں و کشمیر میں الہدیٰ ایجوکیشنل ٹرسٹ کے چیئرپرسن کو گرفتار کیا
کلکتہ ہائی کورٹ نے کئی رٹ درخواستوں میں حال ہی میں سی بی آئی کو ہدایت دی تھی کہ وہ گروپ 'سی' اور 'ڈی' اسٹاف، گیارہویں اور بارہوین جماعت کے اسسٹنٹ اساتذہ اور پرائمری اساتذہ کے بھرتی گھوٹالے کی تحقیقات کرے۔
مانک بھٹاچاریہ جوگیش چندر چودھری لاء کالج کے ریٹائرڈ پرنسپل اور مغربی بنگال بورڈ آف پرائمری ایجوکیشن کے سابق صدر ہیں۔ ان کے انتخابی حلف نامے کے مطابق، ان کے کل اعلان کردہ اثاثے 3 کروڑ روپے ہیں، جس میں 2.3 کروڑ روپے منقولہ اثاثے اور4.66لاکھ روپے غیر منقولہ اثاثے شامل ہیں۔ ان کی کل اعلان کردہ آمدنی 24.3 لاکھ روپے ہے، جس میں سے 21.9 لاکھ روپے خودکی آمدنی ہے۔TMC MLA Manik Bhattacharya Arrest In SSC Scam In West Bengal
