کولکاتا: مغربی بنگال 2021 اسمبلی انتخابات میں تیسری مرتبہ جیت حاصل کرنے کے بعد ہی ممتا بنرجی نے ترنمو ل کانگریس کو قومی سیاسی جماعت بنانے کی مہم اور خود کو وزارت عظمی کے امیدوار کے طور پر پیش کرناشروع کردیا تھا۔اس کیلئے ترپورہ، میگھالیہ، گوا اور آسام میں تنظیم کو مضبوط کرنے کیلئے ممتا بنرجی نے جارحانہ مہم شروع کی تھی اور ان کے نشانے پر بی جے پی نہیں بلکہ کانگریس و راہل گاندھی تھے۔تاہم گوا میں ممتا بنرجی کی پارٹی خود بھی کچھ نہیں کرپائی مگر کانگریس کو شدید نقصان پہنچایا۔ اسی طرح اب تریپورہ میں بھی ترنمو ل کانگریس شدید جھٹکا لگا ہے۔
کانگریس اور بائیں محاذ کو بی جے پی کی بی ٹیم بتانے والی ممتا بنرجی کی پارٹی کو ایک فیصد ووٹ بھی نہیں مل سکا ہے۔ الیکشن کمیشن کے مطابق ترنمول کانگریس کو 0.88فیصد ووٹ ملے ہیں۔جب کہ ترنمول کانگریس نے تری پورہ میں پوری قوت جھونک دی تھی۔ممتا بنرجی اور ان کے بھتیجے ابھیشیک بنرجی نے زور دار مہم چلائی تھی مگر گزشتہ انتخابات کے مقابلے اس مرتبہ بھی ترنمو ل کانگریس کچھ نہیں کر پائی۔ ممتا بنرجی کی پارٹی نے تریپورہ اسمبلی کی کل 60 میں سے 28 سیٹوں پر امیدوار کھڑا کیا تھا۔2018 کے اسمبلی انتخابات میں ترنمول نے 24 حلقوں میں 6,989 ووٹ حاصل کئے تھے۔ یعنی0.3 فیصد ملے تھے۔ اس بار 28 سیٹوں پر 21 ہزار سے کچھ زائد ووٹ ملے ہیں۔ فیصد کے طور پر تقریباً 0.9۔ 2021 کے ضمنی انتخابات میں، ترنمول، جس نے تریپورہ کی راجدھانی اگرتلہ میں تقریباً 20 فیصد ووٹ حاصل کئے تھے۔ ترنمول کو NOTA سے کم ووٹ ملیں گے۔ تاہم، وہ خوش ہیں کہ بی جے پی کی سیٹوں کی تعداد ایک ہی جھٹکے میں کم ہوئی ہے۔
اعداد و شمار کے مطابق نومبر 2021 کے ضمنی انتخابات میں اگرتلہ میں ترنمول تقریباً 20 فیصد ووٹوں کے ساتھ دوسرے نمبر پر تھی۔ اگرتلہ کارپوریشن کے 51 وارڈوں میں سے بی جے پی نے 51 پر کامیابی حاصل کی، لیکن شہر کے 26 وارڈوں میں ترنمول کانگریس دوسرے نمبر پر رہی۔ لیفٹ 25 میں دوسرے نمبر پر تھا۔ مگرضمنی انتخاب میں ممتا کی پارٹی نے تریپورہ میں بھی کھاتہ کھولا تھا۔ امباسہ ٹاؤن کونسل کے وارڈ نمبر 13 سے ترنمول امیدوار نے کامیابی حاصل کی۔ بائیں بازو نے ریاست میں کل 3 وارڈ جیتے اور ٹپرا مٹھا نے 1 وارڈ جیتا۔ کانگریس خالی ہاتھ تھی۔ مجموعی طور پر، نومبر 2021 کے ضمنی انتخابات میں، حکمراں بی جے پی نے تریپورہ کے اگرتلہ کارپورریشن، پور پریشد اور نگر پنچایت کے کل 334 وارڈوں میں سے 329 پر قبضہ کر لیا۔ ان میں سے 112 وہ پہلے ہی بلا مقابلہ جیت چکے تھے۔
تاہم، اس کے بعد جون 2022 میں، چار اسمبلی حلقوں کے ضمنی انتخابات میں ترنمول کے ووٹوں میں نمایاں کمی آئی تھی۔ چاروں حلقوں میں ترنمول کی ضمانت ضبط ہوگئی گئی۔ ان میں اگرتلہ میونسپلٹی کے تحت دو حلقے شامل ہیں — ٹاؤن باردووالی اور اگرتلہ۔ ٹاون باردووالی میں ترنمول کو 986 ووٹ ملے۔ اگرتلہ میں 842۔ اس الیکشن میں کانگریس بائیں بازو کو پیچھے چھوڑتے ہوئے بی جے پی کی اہم حریف بن گئی۔ اگرتلہ بھی 'ہاتھ' کے نشان کے امیدوار نے جیتا تھا۔
یہ بھی پڑھیں:Mamata Banerjee On Sagardighi Defeat: ساگر دیگھی اورتری پورہ میں شکست سے ممتا بنرجی مایوس
اس صورتحال میں اس بار کے اسمبلی انتخابات میں بائیں بازو کانگریس اتحاد کی وجہ سے ترنمول شروع سے ہی کچھ بیک فٹ پر چلی گئی تھی۔ نتائج بتاتے ہیں کہ ٹاؤن باردووالی میں ان کے ووٹ مزید کم ہو کر 623 رہ گئے۔ اور ترنمو ل کانگریس جو ڈیڑھ سال قبل ضمنی انتخابات میں دوسرے نمبر پر آئے تھے، نے اگرتلہ میں مقابلے میں بھی نہیں تھی۔اگرتلہ کے دیگر دو اسمبلی حلقوں، رام نگر اور بنمالی پور میں، ترنمول کے ووٹ 1,805 اور 430 ہیں۔
