مغربی بنگال کے دارالحکومت کولکاتا سے چند کیلومیٹر کے فاصلے پر شمال 24 کے بدھان نگر میں واقع سالٹ لیک اسٹیڈیم میں تاریخی فٹبال ٹورنامنٹ131 واں ڈورنڈ کپ میں ناک آؤٹ راؤنڈ مہم کی شروعات ہوگی۔Md Sporting take on Kerala blasters in Durand cup first quarter finals
ٹورنامنٹ کے پہلے کوارٹر فائنل میچ میں میزبان محمڈن اسپورٹنگ اور آئی ایس ایل کی فرانچایزی ٹیم کیرالہ بلاسٹرز سالٹ لیک اسٹیڈیم میں نبرد آزماہوں گی۔دونوں ٹیموں کے درمیان دلچسپ اور سنسنی خیز مقابلہ ہونے کا امکان ہے۔
دونوں ٹیمیں اپنے اپنے گروپ میں غیرمفتوح ریکارڈ کو برقرار رہتے ہوئے ناک آؤٹ راؤنڈ میں کھیلنے کا اعزاز حاصل کیا۔میزبان ٹیم محمڈن اسپورٹنگ کے روسی کوچ آیندرے شیوچینوکووا نے کہا کہ کوارٹر فائنل مقابلے کے لئے ہم نے پختہ تیاری کی ہے اور جیت ہماری ہوگی۔
انہوں نے کہا کہ ہماری ٹیم کی تیاری اچھی ہے لیکن ہم کیرالہ بلاسٹرز جیسی ٹیم کو کسی بھی قیمت پر نظر انداز نہیں کر سکتے ہیں۔ہم اپنی طرف سے شاندار کارکردگی کا مظاہرہ کرنے کی کوشش کریں گے۔محمڈن اسپورٹنگ کو ہوم گراؤنڈ میں میزبان شیدائیوں کی موجودگی میں کھیلنے کا بھر پور فائدہ مل سکتا ہے
یہ بھی پڑھیں:Virat Kohli Century کوہلی نے سنچری کا سہرا انوشکا اور وامیکا کے سر باندھا
دوسری طرف آئی ایس ایل کی فرانچایزی ٹیم کیرالہ بلاسٹرز میزبان محمڈن اسپورٹنگ کو سخت آزمائش سے دو چار کرنے کے بلند ارادوں کے ساتھ میدان میں اترے گی۔کیرالہ بلاسٹرز کی ٹیم مضبوط اور متوازن ہے۔
