کولکاتا: مہاتما گاندھی، جنہیں پیار سے باپو بھی کہا جاتا ہے، 02 اکتوبر 1869 کو گجرات میں پیدا ہوئے۔ ملک میں گاندھی جینتی 2 اکتوبر کو منائی جاتی ہے، مہاتما گاندھی کو 'فادر آف دی نیشن' بھی کہا جاتا ہے۔ Mamata Pays homage to father of the nation on his Anniversary
وزیر اعلیٰ ممتا بنرجی نے ٹویٹر پر لکھا کہ بابائے قوم مہاتما گاندھی کو ان کے یوم پیدائش پر خراج عقیدت۔ مہاتما گاندھی، عدم تشدد اور فرقہ وارانہ ہم آہنگی کے مثال، آج بھی دنیا کے بہت سے لوگوں کے لیے تحریک کا ذریعہ ہیں۔ باپو نے 1920 میں عدم تعاون کی تحریک کی قیادت کی۔ انگریزوں کے خلاف آزادی کی تحریک کی قیادت کرتے ہوئے بابائے قوم نے 1930 میں ڈانڈی نمک مارچ کے ساتھ انگریزوں کے عائد کردہ نمک ٹیکس کو چیلنج کرنے میں اہم کردار ادا کیا۔ انہوں نے 1942 میں انگریزوں سے بھارت چھوڑنے کا مطالبہ کیا تھا۔
مہاتما گاندھی نے انگریزوں کے خلاف بھارت کی آزادی کی تحریک کی قیادت کی تھی اور ملک کی آزادی حاصل کرنے میں اہم کردار ادا کیا تھا۔اقوام متحدہ بھی 2 اکتوبر کو بین الاقوامی ’یوم عدم تشدد‘ کے طور پر مناتی ہے تاکہ گاندھی کے امن اور عدم تشدد پر یقین کا احترام کیا جا سکے۔ Gandhi Jayanti 2022
یہ بھی پڑھیں : Gandhi Jayanti 2022 مہاتما گاندھی کی زندگی کے وہ سبق جو والدین اپنے بچوں کو سکھا سکتے ہیں
یواین آئی
