شمالی 24 پرگنہ: مغربی بنگال کے شمالی 24 پرگنہ کے باراسات محکمہ کے ساشن تھانہ کے ٹاکی روڈ پر یہ واقعہ اس وقت پیش آیا جب مدرسہ بورڈ کے دو طالب علم امتحان دے کر موٹر سائیکل کے ذریعہ گھر واپس لوٹ رہے تھے اسی وقت مخالف سمت سے آنے والی ایک موٹر وین نے انہیں ٹکر مار دی۔ موٹر وین کی ٹکر میں دونوں شدید طور پر زخمی ہو گئے۔ مقامی باشندوں کی مدد سے زخمیوں کو نزدیکی نرسنگ ہوم میں داخل کرایا جہاں ڈاکٹروں نے ایک کی موت کی تصدیق کی جبکہ دوسرے کی حالت تشویشناک بتائی ۔
پولیس نے بتایا کہ سڑک حادثے میں ہلاک ہونے والے طالب علم کی شناخت عرفان علی (15) کے طور پر ہوئی ہے۔ زخمی طالب علم امیر الاسلام (15)۔ عرفان علی دے گنگا بلاک کے امولیا پنچایت کے باوارتی گاؤں کا رہنے والا ہے۔ وہ امین پور سنیئر مدرسہ کے طالب علم اور عالم کورس کررہے تھے۔ نور نگر پنچایت کے گاؤں بینا پور کے رہنے والے ان کے دوست امیر الاسلام بھی اسی مدرسے کے طالب علم تھے۔ دونوں اس سال مدرسہ بورڈ کے سیکنڈری امتحان کے امیدوار ہیں۔کدم گاچھی میں واقع اولاد ہائی مدرسہ میں ان دونوں کا اکزام سینٹر ہے۔
یہ بھی پڑھیں:Fire Break Out At Nagerbazar Flat دمدم میں واقع کثیر منزلہ عمارت میں آتشزدگی
پولیس نے مزید بتایا کہ عرفان کے پاس لائسنسن ہے۔وہ موٹر وییکلس میں لائسنس کے لئے درخواست دے رکھی تھی۔پورے معاملے کی تفتیش کی جا رہی ہے۔موٹر وین کی تلاش جاری ہے۔حادثے کے بعد مقامی باشندوں نے ناراضگی کا اظہار کیا۔
