بھارتی فٹبال کی تاریخ کے قدیم اور کامیاب ترین فٹبال کلب محمڈن اسپورٹنگ نے 23 اپریل کو روایتی دعوت افطار کا اہتمام کیا ہے۔ محمڈن اسپورٹنگ کی دعوت افطار میں کھیل کود کی دنیا سے وابستہ شخصیات کے علاوہ سیاسی رہنماؤں، سماجی کارکنان اور شاعر و ادیب کی شرکت متوقع ہے۔ سیاہ سفید جرسی والی ٹیم محمڈن اسپورٹنگ کے جنرل سیکریٹری دانش اقبال نے کہا کہ '23 اپریل کو ہر سال کی طرح امسال بھی روایتی افطار پارٹی کا اہتمام کیا جائے گا۔' Iftar by Mohammedan Sporting Club
- یہ بھی پڑھیں: Chibuzor of Nigeria Dies: محمڈن اسپورٹنگ کے سابق غیرملکی فٹبالر چیبوجا ناکوانما چل بسے
انہوں نے کہا کہ 'اس مرتبہ سابق فٹبالر اور قومی فٹبال ٹیم کے کوچ سید نعیم الدین (ارجن ایوارڈ) اور محمد فرید کو شان محمڈن ایوارڈ دینے کا فیصلہ کیا گیا ہے۔ ان کا کہنا ہے کہ 'سید نعیم الدین (ارجن ایوارڈ) بھارتی فٹبال کی تاریخ میں کسی تعارف کا محتاج نہیں ہیں۔ انہوں نے قومی فٹبال ٹیم کی بطور فٹبالر اور کوچ خدمات انجام دے چکے ہیں۔ کلب کے جنرل سیکرٹری کے مطابق سید نعیم الدین لمبے عرصے تک محمڈن اسپورٹنگ کے ہیڈ کوچ کے عہدے پر فائز رہے۔ ان کی خدمات کے مدنظر انہیں شان محمڈن ایوارڈ دینے کا فیصلہ کیا گیا ہے۔' دانش اقبال نے کہا کہ 'ارجن ایوارڈ سے سرفراز سید نعیم الدین کے ساتھ ساتھ سابق فٹبالر محمد فرید کو کلب کے اعلیٰ اعزاز شان محمڈن سے نوازا جائے گا۔ محمد فرید نے سیاہ سفید جرسی والی ٹیم محمڈن اسپورٹنگ کی جانب سے برسوں کھیلے اور کامیابی میں اہم رول ادا کیا۔ Shaan-e-Mohammedan Award to Syed Naimuddin and Mohammad Farid
