کولکاتا: دہلی کے وزیر اعلی اروند کیجریوال اور وزیر اعلی بھگونت مان نے منگل کے روز ممتا بنرجی سے ملاقات کی۔ تینو ں لیڈروں نے نامہ نگاروں سے بات کرتے ہوئے کہا کہ مشترکہ مسائل پر اتحاد کے ساتھ کام کیا جائے گا۔ ممتا بنرجی نے بی جے پی حکومت کی سخت تنقید کرتے ہوئے کہا کہ بی جے پی کی غلط پالیسیوں کی وجہ سے عوام پریشان ہیں ۔انہوں نے کہا کہ ہم لوگ 2024کے پارلیمانی انتخابات میں مل کر بی جے پی کو شکست دیں گے۔ ممتا بنرجی نے 2 ہزار کے نوٹوں پر پابندی سے متعلق کہا کہ یہ نوٹ جب لایا جارہا تھا اس وقت ہی ہم نے اعتراض کیا تھا کہ اس کی وجہ سے بلیک منی میں اضافہ ہوگا۔ اس وقت ہماری بات نہیں سنی گئی ، اب نوٹ بندی کا دوبارہ اعلان کردیا گیا ہےاس سے عوام پریشان حال ہیں ۔
دہلی کے وزیر اعلی اروند کیجریوال نے بھی ممتا بنرجی کی تعریف کرتے ہوئےکہا کہ بی جے پی وفاقی ڈھانچہ کو نقصان پہنچارہی ہے۔انہوں نے کہا کہ 'مرکزی حکومت سپریم کورٹ کے فیصلے کو ماننے کو تیار نہیں ہے۔ سپریم کورٹ نے دہلی کی منتخب حکومت کو اختیارات دئیے تھے مگر اب مرکز نوٹیفکشن کے ذریعہ اختیارت کو چھین کر عدالت کا مذاق اڑارہی ہے۔ اس وقت تمام اپوزیشن جماعتیں مل کر مرکزی حکومت کو اس اقدامات کو روکنا ہوگا۔ ہم راجیہ سبھا میں مل کر روک سکتے ہیں ۔ ممتا بنرجی نے کہا کہ راجیہ سبھا میں عام آدمی کی حمایت ان کی پارٹی کرے گی ۔ کجریوال نے کہا کہ دیدی نے ہمیشہ محبت دی ہے۔ مرکزی حکومت نے ہمارے اختیارات کو چھین لئے ہیں 5سال بعد سپریم کورٹ نے فیصلہ دیا ہے ۔مگر سپریم کورٹ کے فیصلے کو آرڈی نینس کے ذریعہ تبدیل کرکے جمہوری نظام کو بے وقوف بنادی گیا ہے۔ جہاں بی جے پی کی حکومت نہیں ہے وہاں سی بی آئی اور ای ڈی کو لگادیا گیا ہے۔
یہ بھی پڑھیں: CM Mamata Banerjee دوہزار نوٹوں پر پابندی پر ممتا بنرجی کی سخت تنقید
یو این آئی
