مظفر نگر: ریاست اتراکھنڈ کے وزیر اعلی پشکر سنگھ دھامی، جو اتوار کو مظفر نگر کے رام پور تیرا پہنچے تو یہاں اُنہوں نے اتراکھنڈ کی تعمیر میں شہید ہوئے مظاہرین کی 28 ویں برسی پر شہیدوں کو خراج عقیدت پیش کیا۔ اس کے ساتھ ہی وزیر اعلیٰ پشکر سنگھ دھامی نے شہید مظاہرین کے اہل خانہ سے بھی ملاقات کی۔ اتراکھنڈ کے وزیر اعلیٰ پشکر سنگھ دھامی کے ساتھ وزیر مملکت برائے دفاع و سیاحت اجے بھٹ اور مرکزی وزیر ڈاکٹر سنجیو بالیان سمیت بی جے پی کے کئی رہنما اور ایم ایل اے موجود تھے۔ Pushkar Singh paid Tributes to Uttarakhand Martyrs
شہیدوں کو خراج عقیدت پیش کرنے اور ایک اجتماع سے خطاب کرنے کے بعد وزیر اعلیٰ پشکر سنگھ دھامی نے واہلنا کے شری دگمبر جین مندر میں منعقدہ بین الاقوامی یوم عدم تشدد کے پروگرام میں بھی شرکت کی اور وزیر اعلیٰ اس پروگرام میں شرکت کے بعد دہرادون روانہ ہو گئے۔ اس کے ساتھ ہی اتراکھنڈ کے وزیر اعلیٰ پشکر سنگھ دھامی کی مظفر نگر آمد کو لے کر پولیس انتظامیہ الرٹ پر نظر آئی۔ CM Singh Pait Tributes to Uttarakhand Martyrs
اتراکھنڈ کے سی ایم پشکر سنگھ دھامی نے اسٹیج سے اتراکھنڈ کے مظاہرین کو خراج عقیدت پیش کرنے کے ساتھ ساتھ انکیتا قتل کیس سے متعلق کہا کہ ’’ہم نے اس میں ایک ایس آئی ٹی تشکیل دی ہے اور اس معاملے میں فاسٹ ٹریک کورٹ میں ملزمین کو سخت ترین سزا دی جانی چاہیے۔‘‘
