رام مندر کے متعلق اپوزیشن رہنما عام لوگوں کو گمراہ کر رہی ہے: اشفاق سیفی

author img

By ETV Bharat Urdu Desk

Published : Jan 18, 2024, 8:46 PM IST

Updated : Jan 19, 2024, 2:45 PM IST

رام مندر کو لے کر اپوزیشن عام لوگوں کوگمراہ کررہی ہے

Ram Mandir Consecration اترپردیش اقلیتی کمیشن کے چیئرمین اشفاق سیفی نے کہا کہ رام مندر کی افتتاحی تقریب کی مخالفت کرنے والے اپوزیشن رہنما بے بنیاد باتیں کرکے عام لوگوں کو گمراہ کر رہے ہیں۔

رام مندر کے متعلق اپوزیشن رہنما عام لوگوں کو گمراہ کر رہی ہے: اشفاق سیفی

مرادآباد: ریاست اتر پردیش کے مراد آباد میں واقع سرکٹ ہاؤس میں پریس کانفرنس کو خطاب کرتے ہوئے ریاستی اقلیتی کمیشن کے چیئرمین اشفاق سیفی نے کہا کہ یہ ان کی بدقسمتی ہے کہ وہ پران پرتیسٹھا میں نہیں جا پا رہے ہیں۔ انہوں نے کہا کہ مریادا پرشوتم بھگوان شری رام سب کے ہیں، جو لوگ مخالفت کر رہے ہیں، ان کا جواب عوام دیں گے۔ آئندہ 2024 کے لوک سبھا انتخابات میں اپوزیشن مکمل طور پر بھارتیہ جنتا پارٹی کا مقابلہ نہیں کر سکے گی۔

اتر پردیش میں بھارتیہ جنتا پارٹی کا اتحاد 80 لوک سبھا سیٹیں جیتنے کے لیے کام کرے گا۔ وزیر اعظم مودی مسلمانوں کے ایک ہاتھ میں قرآن اور دوسرے ہاتھ میں کمپیوٹر دینے کا کام کر رہے ہیں۔مسلم کمیونٹی کے نوجوان آئی پی ایس، آئی اے ایس، انجینئر بن سکتے ہیں۔ مودی حکومت مرکز اس کے لیے کام کر رہا ہے۔ غریبوں کو گھر فراہم کرنے کے لیے بھی کام کیا جا رہا ہے۔

13 فروری سے مدرسہ بورڈ کے امتحانات شروع ہونے جارہے ہیں، ایسے میں کیا مدارس کی چھان بین مناسب ہے؟ میڈیا کے اس سوال پر بات کرتے ہوئے اشفاق سیفی نے کہا کہ ابھی مدارس کی کسی قسم کی تحقیقات نہیں کی جارہی ہیں۔

یہ بھی پڑھیں:رام مندر کے پران پرتیستھا مہوتسو میں شریک ہونے کے لئے 66 سالہ خورشید عالم ایودھیا کے سفر پر روانہ

اتر پردیش ماڈرنائزیشن مدراس کے اساتذہ کا اعزازیہ روکنے کے سوال پر انہوں نے کہا کہ یہ ایک سنگین مسئلہ ہے، ہم اقلیتوں کے اس مسئلے کو حکومت کے سامنے رکھیں گے۔نریندر مودی کی حکومت اقلیتوں کے لیے بہت سی اسکیمیں بنا رہی ہے۔

Last Updated :Jan 19, 2024, 2:45 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.