ریاست اتر پردیش کے ضلع ایودھیا میں بھارتیہ جنتا پارٹی پسماندہ طبقات مورچہ کی تین روزہ ورکنگ کمیٹی میٹنگ کے آخری دن وزیراعلیٰ یوگی آدتیہ ناتھ نے پروگرام میں شرکت کی۔
میٹنگ کے اختتام پر مورچہ کے عہدیداروں اور لوگوں سے خطاب کرتے ہوئے وزیراعلیٰ یوگی آدتیہ ناتھ نے تاریخ دانوں کی طرف انگلیاں اٹھاتے ہوئے کہا کہ 'مہارانا پرتاپ کے بارے میں کچھ نہیں سوچا اور اکبر کو عظیم بتادیا۔
اس دوران وزیراعلیٰ نے کہا کہ 'کوئی بھی عظیم آدمی قوم کا ہوتا ہے۔ نشادراج، مہاراج سہیل دیو، مہارانی لکشمی بائی، شیواجی مہاراج، مہارانا پرتاپ، جھلکاری بائی، اُدا دیوی وغیرہ نے نہ صرف اپنے معاشرے بلکہ قوم کے لیے جنگ لڑی۔ لیکن پچھلی حکومتوں نے ذات کی بنیاد پر سماج کو تقسیم کرنے کا کام کیا۔
یہ بھی پڑھیں: جیل میں ہی ہوگی اعظم خان سے ای ڈی کی پوچھ تاچھ
وزیراعلیٰ یوگی نے کہا کہ 'لکشمی اور گنیش کی مورتی چین سے آتی تھی۔ لیکن کورونا کے دوران ہم نے فیصلہ کیا کہ اس مرتبہ مورتی چین سے نہیں آئے گی۔ ریاست میں مٹی کلا بورڈ تشکیل دیا گیا ہے۔ اب ہمارا پرجاپتی سماج گنیش و لکشمی کی مورتی اور برتن بھی بنائے گا۔
