بستی: اترپردیش کے ضلع بستی کے کپتان گنج علاقے میں ایک تیز رفتار کار کے درخت سے ٹکرا جانے سے اس میں سوار تین افراد کی موت ہوگئی، جبکہ دیگر چار شدید طور سے زخمی ہوگئے۔ پولیس ذرائع نے ہفتہ کو بتایا کہ نیشنل ہائی وے لکھنؤ۔گورکھپور پ گڑھا گوتم کے نزدیک جمعہ اور ہفتہ کی رات یہ حادثہ اس وقت پیش آکا جب تیز رفتار ایس یو وی نیل گائے سے ٹکرانے کے بعد بے قابو ہوکر دوسری لین پر چلی گئی اورایک درخت سے ٹکرا گئی۔Basti Road Accident
انہوں نے بتایا کہ ایس یو وی کار میں سات افراد سوار تھے۔ اس حادثے میں دھیرج سنگھ باشندہ لکھنؤ، دلیپ کشواہا باشندہ وارانسی، سونو چودھری باشندہ گورکھپور کی موت ہوگئی۔ کار میں سوار چار افراد شدید طور سے زخمی ہوگئے ہیں۔ زخمیوں کو علاج کے لئے اسپتال میں داخل کرایا گیا ہے۔ کار کی رفتار اتنی شدید تھی کہ نیل گائے کی موقع پر ہی موت ہوگئی۔ اس حادثے پر اترپردیش کے وزیر اعلی یوگی آدتیہ ناتھ نے غم کا اظہار کیا ہے۔
یہ بھی پڑھیں:Road Accident in Kupwara کپواڑہ سڑک حادثے میں پانچ مسافر زخمی
یو این آئی
