دہلی: سابق وزیر جاوید عابدی سے ایس پی رہنماؤں نے ملاقات کی

جاوید عابدی نے تمام رہنماوں سے کہا کہ الیکشن جیتنے میں تنظیم کا اہم کردار ہے، اس لیے آپ سب کو گاؤں، گاؤں اور سیکٹر میں جا کر سماجوادی پارٹی کی حکومت کی کامیابیوں کو لوگوں تک پہنچانا چاہیے۔

سماجوادی پارٹی نوئیڈا دیہی کے رہنماوں نے ضلع صدر مہندر یادو کی قیادت میں سماج وادی پارٹی کے قومی سکریٹری اور سابق وزیر مولانا جاوید عابدی سے اوکھلا میں واقع ان کی رہائش گاہ پر ملاقات کی۔

اس موقع پر سماجوادی پارٹی کے رہنماوں نےجاوید عابدی سے انتخابی سرگرمیوں سے متعلق بات چیت کی۔۔ انہوں نے اتر پردیش کے آئندہ اسمبلی انتخابات کی تیاریوں پر تبادلہ خیال کیا۔

اس موقع پر جاوید عابدی نے تمام رہنماوں سے کہا کہ الیکشن جیتنے میں تنظیم کا اہم کردار ہے، اس لیے آپ سب کو گاؤں، گاؤں اور سیکٹر میں جا کر سماجوادی پارٹی کی حکومت کی کامیابیوں کو لوگوں تک پہنچانا چاہیے۔

2022 میں اکھلیش یادو کی قیادت میں سماج وادی پارٹی کی حکومت بننے جا رہی ہے۔ انہوں نے تنظیم کے عہدیداروں کو ہر قسم کے تعاون کی یقین دہانی کرائی۔

اس موقع پر ضلع جنرل سکریٹری اور ترجمان راگھویندر دوبے، نائب صدر محمد تسلیم، مزدور سبھا کے صدر ارجن پرجاپتی ،پرنس یادو، ٹیٹو یادو، گورو یادیو، سدھیر رائے، ستپال پہلوان، کالی پہلوان، شیام سنگھ یادو اور کئی کارکن موجود تھے۔