مظفر نگر: ’’اقرأ حمد و نعت اکیڈمی‘‘ کے زیر اہتمام دارالحکومت دہلی کے لودھی روڈ پر واقع انڈیا اسلامک کلچرل سینٹرکے حال میں ’’آل انڈیا مسابقہ قرأت قرآن کریم‘‘ کا انعقادعمل میں لایا گیا۔ مسابقہ قراءت میں ہندوستان کے مختلف صوبوں سے قراء حضرات نے بڑی تعداد میں شرکت کی اور اپنے فن قراءت کا مظاہرہ کیا۔ قراءت مقابلہ میں مظفرنگر سے شرکت کرنے والے قاری محمد زید حسین پوری نے دوسرا نمبرحاصل کرکے مظفرنگر کا نام روشن کیا اور بطور انعام عمرہ کی سعادت حاصل کی۔ All India Qirat Competition held at New Delhi
محمد زید، مولانا معاذحسن حسین پوری کے صاحبزادہ محترم ہیں، مظفرنگر شہرکی حوض والی مسجد کے امام وخطیب قاری حذیفہ کے چھوٹے بھائی ہیں۔ اس سے پہلے بھی قاری زید نے مختلف مسابقوں میں حصہ لیکر انعامات حاصل کیے ہیں لیکن یہ مسابقہ موصوف کے لئے بڑی اہمیت کا حامل ہے۔ اس مسابقہ نے موصوف کو عمرہ کی سعادت کاشرف بخشا ہے۔ اس بہترین کامیابی اور عمرے کی سعادت پرقاری کے آبائی علاقہ میں ہی نہیں بلکہ مظفرنگر میں خوشی کا ماحول ہے۔Qari Zaid from Muzaffar Nagar
