کانپور:اتر پردیش کے ضلع کانپور میں حضرت علی رض اللہ کی یوم پیدائش کے موقع پر یوم علی(علی ڈے) بڑے جوش و خروش کے ساتھ منایا گیا۔بڑی تعداد میں لوگوں نے جلوس میں شرکت کی ۔کانپور کی سڑکیں علی کے نعرے سے گونج اٹھی۔
اس موقع پر شہر کے کئی مقامات پر سبیل کے اسٹال لگائے گئے۔حضرت کے پیغام کو عام کرنے کی کوشش کی گئی۔جلوس میں شامل لوگوں نے حضرت علی بتائے ہوئے نقش قدم پر چلنے کا عہد کیا۔
کانپور میں شہر کی کئی انجمنوں نے مشترکہ طور پر جشن ولادت علی کو دھوم دھام سے منایا۔ شہر کے کئی اہم مقامات پر سبیل کے اسٹال لگائے گئے جہاں پر مٹھائی،کولڈ ڈرنکس اور پانی ہر عام و خاص کے درمیان تقسیم کئے گئے ،
ریاست کے مشہور ترین ضلع کانپور کے پھول باغ چوراہے سے جلوس نکالا گیا شہر کے مختلف حصوں سے گزرتا ہوا بڑی کربلا نواب گنج پر برآمد ہوکر اختتام پذیر ہوا۔ جلوس میں بڑی تعداد میں لوگوں نے شرکت کی۔
یہ بھی پڑھیں:Program On Reforming The Society جمعیۃ علماء کی جانب سے اصلاح معاشرہ کے موضوع پر پروگرام منعقد
جلوس کی قیادت آل انڈیا شیعہ یووا یونٹ نے کی۔ اس بار آل انڈیا شیعہ یووا یونٹ نے ایک گاڑی پر خانہ کعبہ کی صبیح بناکر نمائش کی جو لوگوں کے بیچ دلچسپی کا باعث بنا رہا۔
