پریاگ راج: عتیق احمد کی بیوہ شائستہ پروین کو پریاگ راج پولیس کے ساتھ ساتھ یوپی ایس ٹی ایف بھی تلاش کر رہی ہے۔ شائستہ پروین 24 فروری کو امیش پال کے قتل کے بعد سے مفرور ہیں۔ یوپی سمیت دیگر ریاستوں میں ان کی تلاش جاری ہے۔ اس دوران شائستہ کی تلاش میں مصروف پولیس ٹیم دہلی پہنچ گئی ہے۔ لیکن شائستہ کا کوئی سراغ نہیں مل رہا ہے۔ ذرائع کے مطابق شائستہ پروین پر اعلان کردہ انعام کی رقم 50 ہزار سے بڑھا کر ایک لاکھ کرنے کی سفارش کی جا رہی ہے۔
عتیق احمد اور اشرف کے قتل کے بعد پولیس ٹیم شائستہ پروین کی تلاش کر رہی ہے۔ پولیس کی ایک ٹیم شائستہ کی تلاش میں دہلی پہنچی ہے۔ شائستہ پروین کا بیٹا اسد بھی کچھ دنوں سے دہلی میں روپوش تھا، اب پولیس کو شائستہ پروین کے دہلی میں پناہ لینے کی اطلاع ملی ہے۔ اطلاع کے بعد پریاگ راج کی پولیس کی ایک ٹیم نے دہلی میں ڈیرہ ڈالا ہے اور وہاں شائستہ کی تلاش میں مصروف ہے۔ شائستہ کی تلاش میں پولیس عتیق احمد کے آبائی گھر چکیہ علاقے سے لے کر بامرولی اور کوشامبی بارڈر تک چھاپے مار رہی ہے۔
ڈرون کی مدد سے سرچ آپریشن بھی کیا گیا: شائستہ کی تلاش میں گنگا اور جمنا کے کچہری علاقے میں ڈرون سے سرچ آپریشن بھی کیا گیا ہے۔ تاہم ابھی تک شائستہ کی صحیح جگہ کا پتہ نہیں چل سکا ہے۔ شائستہ کے بارے میں یہ افواہ بھی ہے کہ وہ بیرون ملک فرار ہو گئی ہیں۔ جب کہ پولیس ریکارڈ کے مطابق شائستہ پروین کا پاسپورٹ پریاگ راج میں نہیں بنا تھا۔ دو ماہ سے مفرور شائستہ پروین کی دو نئی تصاویر منظر عام پر آئی ہیں۔ بتایا جا رہا ہے کہ یہ تصاویر شائستہ پروین کے فرار ہونے کے دوران لی گئی ہے لیکن پولیس کو سی سی ٹی وی کے ذریعے کچھ ویڈیو فوٹوز ملے ہیں جن سے معلوم ہوا ہے کہ شائستہ پروین وہاں پناہ لینے گئی تھی۔ اس دوران وہ فون کے ذریعے دوسرے لوگوں سے بھی رابطے میں رہی۔ حالانکہ یہ دونوں وائرل تصاویر اسد کے انکاؤنٹر سے پہلے کی بتائی جارہی ہیں، جس کے بعد پریاگ راج پولیس کی جانب سے عتیق احمد کی بیوہ شائستہ پروین پر اعلان کردہ انعام کی رقم 50 ہزار سے بڑھا کر 1 لاکھ کرنے کی سفارش کی جائے گی۔
