بارہ بنکی کے پانچ روزہ شمالی حلقہ انٹر یونیورسٹی خاتون کھو کھو مقابلہ میں جب ای ٹی وی بھارت نے اس کھیل کے تمام پہلوؤں پر معلومات حاصل کی تو علم ہوا کہ یہ پورے طور سے دیسی اور دیہی کھیل ہے۔ اسے کھیلنے میں جو جسمانی طوانائی اور طاقت چاہئے وہ شاید ہی کسی کھیل کے کھلاڑی کو چاہئے ہوتی ہے۔ اس لئے اسے تمام کھیلوں کی ماں کہا جاتا ہے۔
موجودہ دور میں کرکٹ اور فٹبال یہ ٹی وی اور میڈیا میں زیادہ نظر آنے والے کھیلوں کے درمیان کھو کھو نے اپنی الگ جگہ بنا لی ہے۔ کھلاڑیوں کو اب اس میں اتنا ہی لطف آرہا ہے جتنا کہ دیگر کھیلوں میں آ تا ہے۔
جیسے جیسے لوگ کھو کھو کی جانب متوجہ ہو رہے ہیں۔ ویسے۔ ویسے اس کھیل کے تئیں پروموٹرز بھی راغب ہو رہے ہیں۔ پرو کبڈی لیگ کی طرح اب پرو کھو کھو لیگ کی کوششوں میں بھی تیزی آئی ہے جس کے سبب کھلاڑیوں کی اس کھیل میں زیادہ دلچسپی پیدا ہو رہی ہے۔
کھوکھو کی جانب لوگوں کا رحجان تو بڑھا ہے ، لیکن ابھی بھی کرکٹ اور فٹبال کی طرح اسے مقبولیت حاصل نہیں ہے۔
بھارت کے ساتھ تمام ممالک میں کھو کھو کھیلا جاتا ہے لیکن حیران کن بات یہ ہے کہ دیسی کھیل ہونے کے باوجود یہاں سہولیات کا فقدان ہے۔ جو کھو کھو کھلاڑیوں کو بین الاقوامی سطح پر کمزور کر سکتے ہیں۔
