سب سے شرمناک بات یہ ہے کہ بھارت رتن استاد بسم اللہ خان کے نام سے لگے ہوئے پتھر بھی گندے پانی میں ڈوبے ہوئے ہیں۔ اس کے باوجود اس جانب کسی افسر کی توجہ نہیں ہے۔
آپ کو بتا دیں کہ بھارت رتن استاد بسم اللہ خان کے اعزاز میں کئی برس پہلے بنارس میونسپل کارپوریشن کی جانب سے ان کے گھر کی طرف جانے والی سڑک کو استاد بسم اللہ خان کے نام سے موسوم کیا گیا تھا اور ان کے نام سے پتھر بھی نصب کئے گئے تھے، لیکن موجودہ وقت میں اس سڑک کی حالت انتہائی خستہ ہے۔ پوری سڑک ٹوٹی پھوٹی ہے سیور لائن کا پانی سڑکوں پر بہہ رہا ہے۔
استاد بسم اللہ خان کے نام سے لگے ہوئے پتھر بھی گندے پانی میں ڈوبے ہوئے ہیں۔ میونسپل کارپوریشن کی عدم توجہی نہ صرف علاقائی لوگوں کے لئے پریشانی کا باعث ہے بلکہ بھارت رتن استاد بسم اللہ خان کی توہین کے طور پر دیکھا جا رہا ہے۔
مزید پڑھیں:
مرادآباد: تین سال سے بجلی نہیں، لوگ اندھیرے میں زندگی گزارنے پر مجبور
علاقائی لوگوں کی مانیں تو یہ صرف استاد بسم اللہ خان والی سڑک کا حال نہیں ہے بلکہ پورے علاقے میں اسی طرح سے گندا پانی بہتا رہتا ہے۔ شکوہ وشکایت کے باوجود بھی افسران کوئی توجہ نہیں دے رہے ہیں۔
