میرٹھ میں جمعہ کے روز جمعیت علماء ہند Jamiat Ulema کی جانب سے ایک اہم میٹنگ منعقد کی گئی، جس میں سعودی حکومت کی طرف سے جس طرح سے تبلیغی جماعت پر الزام عائد کرتے ہوئے اسے دہشت گردی سے جوڑنے والی باتیں کہی گئی ہے۔ اس کے خلاف سخت الفاظ میں مذمت کی گئی ان کی اس حرکت سے بھارت کے مسلمانوں میں ناراضگی دیکھی جا رہی ہے۔
جمعیت کے رہنماوں نے کہا تبلیغی جماعت Tablighi Jamaat سے متعلق جس طرح سے سعودی حکومت نے بیان جاری کیا ہے اس سے عالم اسلام کے مسلمانوں میں ناراضگی دیکھی جا رہی ہے۔ اس سے متعلق میرٹھ میں آج جمعیت علماء ہند کی جانب سے ایک خاص میٹنگ منعقد کی گئی جس میں سعودی حکومت کے فیصلے پر افسوس کا اظہار کرتے ہوئے کہا کہ سعودی حکومت کو مسلمانوں سےمعافی مانگنی ہوگی۔
سعودی حکومت Saudi Government نے جس طرح سے تبلیغی جماعت پر دہشت گردی کا درس دینے کا الزام لگایا وہ پوری طرح بے بنیاد ہے، جبکہ تبلیغی جماعت اپنی تعلیمات سےاسلام کی صحیح جانکاری دینے کا کام کرتی ہے۔اور پوری دنیا میں امن کا پیغام دیتی ہے۔جمعیت کے اراکین نے سعودی سفیر سے مطالبہ کرتے ہوئے کہا کہ سعودی حکومت کو اپنا فیصلہ فوری طور پر واپس لینا ہوگا۔
سعودی حکومت کی جانب سے تبلیغی جماعت کو دہشت گردی سے جوڑنے اور اپنے ملک میں تبلیغی جماعت پر پابندی عائد کرنے کے فیصلے کے بعد بھارت میں سعودی حکومت کے خلاف زبردست ناراضگی دیکھی جا رہی ہے۔ اسلام کے مرکز والی جگہ سے اگر تبلیغی جماعت پر اس طرح کے الزامات لگائے جائیں گے تو دنیاں میں مسلمانوں کو تعصب کی نظر سے دیکھا جائے گا ایسے میں سعودی حکومت کو اپنے فیصلے کو بدلنے کی ضرورت ہے تاکہ دنیا میں اسلام کی صحیح تصویر پیش کی جا سکے۔
