نئی دہلی: اس موقعے پر وزیر صحت بگھیل نے کہا کہ امرت کال کے دوران ملک میں ہر شعبے میں ترقی ہو رہی ہے اور کھیلوں کا میدان بھی اچھوتا نہیں ہے، وزیر اعظم مودی کھیلوں کے ہر ایونٹ میں ذاتی دلچسپی لیتے ہیں، جس کی وجہ سے ملک میں کھیل فروغ پا رہے ہیں، اس کے لیے مثبت ماحول پیدا کیا جا رہا ہے۔
اسپورٹس انڈیا 2023 کے تعاون سے منعقد کی گئی اس قومی سطح کی کانفرنس میں، کھیلوں کے سائنس دانوں نے اولمپکس میں ہندوستان کی کارکردگی اور نقطہ نظر کو بہتر بنانے کے طریقوں پر غور کیا۔ امرت کال کے دوران، کھیلوں کے میدان میں مرکزی حکومت کی اسکیموں اور اس کے اثرات پر بھی ماہرین نے تبادلہ خیال کیا۔
اس موقعے پر راجیہ سبھا کے رکن پارلیمنٹ ڈاکٹر انیل اگروال، نوجوانوں اور کھیلوں کے امور کی وزارت میں جوائنٹ سکریٹری کنال خصوصی مہمانوں کے طور پر موجود تھے، ان کے ساتھ ایس جی ایس یو گجرات کے وائس چانسلر ڈاکٹر ارجن سنگھ رانا ڈروناچاریہ ایوارڈ یافتہ ڈاکٹر اجے بنسل، بحیثیت مہمان خصوصی موجود تھے۔ مناو رچنا انٹرنیشنل یونیورسٹی کے پرو وی سی ڈاکٹر جی ایل کھنہ، ایم وے انڈیا کے نائب صدر رجت بنرجی، پی ای ایف آئی کے ایگزیکٹیو چیئرمین ڈاکٹر اے کے اپل موجود تھے۔
مہمان خصوصی ڈاکٹر انیل اگروال نے نوجوانوں کے لیے کھیلوں کی اہمیت پر گفتگو کی، انہوں نے کہا کہ ہمارا ملک دنیا کا سب سے زیادہ نوجوان کا ملک ہے، اس طرح کی کانفرنسیں نوجوانوں کو کھیلوں میں کیرئیر بنانے کی ترغیب بھی دیتی ہیں۔
وزارت کھیل میں جوائنٹ سکریٹری کنال نے اسپورٹس سائنس پر منعقد کی گئی اس کانفرنس کو کھیلوں اور کھلاڑیوں کے لیے بہت اہم قرار دیا۔انھوں نے کہا کہ کھلاڑیوں کی کارکردگی کو بڑھانے کے لیے اسپورٹس سائنس کا مضمون بہت ضروری ہے۔
یہ بھی پڑھیں: متھرا شاہی عید گاہ کے سروے پر علما کا ردعمل
انھوں نے کہا کہ پچھلے کچھ عرصے میں برسوں سے ملک میں کھیلوں کے سائنس کے پروگراموں کی تعداد میں اضافہ ہوا ہے۔ وزارت کھیل کی جانب سے اس شعبے میں بہت سے نئے اقدامات کیے گئے ہیں اور اس موضوع پر سب سے زیادہ توجہ دی جا رہی ہے۔اس کے تحت اسپورٹس سائنس کے نئے کورسز ملک بھر میں شروع کیا گیا ہے اور ان سے تربیت حاصل کرنے والے طلباء SAI اور فیڈریشن میں شامل ہو کر کھلاڑی بن رہے ہیں
