یہ واقعہ اترپردیش کے ضلع قنوج ضلع کا ہے جہاں آج ایک اژدہے نے نیل گائے کے بچوں کو زندہ ہی سالم نگل لیا اور اس کے بعد ان کے مردہ جسم کو باہر اگل دیا۔
دراصل قنوج کے سرسلہ گاؤں میں ایک باجرے کے کھیت میں ایک بڑا اژدہا دیکھ کر لوگوں میں افراتفری کا ماحول مچ گیا۔ چشم دید کے مطابق نیل گائے کہ دو بچھڑوں کو آج زندہ نگل گیا۔اس واقعے کو اپنی آنکھوں سے دیکھنے کے لیے دور دور سے لوگ آنے لگے۔
گاؤں والوں نے جب اس طویل قامت اژدہے کو دیکھا تو چند افراد نے مل کر پہلے اسے ڈنڈے سے مارنا شروع کیا تب اس اژدہے دونوں بچھڑوں کی مردہ لاش کو دھیرے دھیرے باہر اگل دیا۔
اس خوفناک منظر کی خبر کچھ دیر میں ہی سارے گاؤں میں پھیل گئی اور لوگ دوڑ کر اس واقعے کو دیکھنے کے لیے دوڑ پڑے، گاؤں والوں نے اس کا ویڈیو بھی بنایا جو سوشل میڈیا پر بھی خوب وائرل ہوئی ہے۔
واقعے کی اطلاع ہونے پر محمۂ جنگلات کے افسران گاؤں پہنچے اور کڑی مشقت کے بعد اژدہے کو پکڑ کر دور کے جنگل میں چھوڑ دیا۔
لیکن اس واقعہ کے بعد سے پورے گاؤں میں دہشت کا ماحول قائم ہے۔