پورے ملک میں کل ہولی اور شب برات کا تہوار پر سکون ماحول میں منانے کے لیے حکومت کے علاوہ سماجی تنظیموں کی جانب سے دونوں مذاہب سرکردہ افراد آپسی اتفاق اور بھائی چارے کو قائم رکھنے کا عزم کر رہے ہیں، اسی مقصد کے تحت میرٹھ میں بھی ضلع انتظامیہ کے افسران سماجی شخصیات کے ساتھ الگ الگ مقامات پر پیس میٹنگ کر رہے ہیں تاکہ دونوں تہوار آپسی اتفاق اور اتحاد کے ساتھ منایا جا سکے۔
ہولی اور شب برات ایک ہی تاریخ میں ہونے سے دونوں مذاہب کے بیچ کسی قسم کے ٹکراؤ نہ ہو اس کے لئےمیرٹھ ضلع انتظامیہ کے علاوہ سماجی تنظیموں کے اراکین کے ساتھ کاروبار تنظیموں سے جڑے افراد بھی دونوں تہواروں کو پر سکون طریقے سے منانے کی بات کہ رہے ہیں۔تاجروں کا کہنا ہے کہ ہولی دہن کے وقت جہاں مسلم بھائی عبادت کریں گے وہیں وقت کو آگے پیچھے کر ایک دوسرے کے مذہب کا خیال رکھا جائے گا تاکہ کسی طرح کا کوئی ٹکراؤ پیدا نہ ہو۔
ویاپار سنگھ سے جڑے اراکین کا کہنا ہے کہ میرٹھ ایک انقلابی شہر ہے، یہاں قومی یکجہتی اور آپسی اتحاد کی مثال ان دونوں تہواروں پر بھی پیش کی جائے گی، وہیں میرٹھ میں بی جے پی کے اسمبلی رکن امت اگروال نے ایک مذاہب کے لوگوں کو نشانہ بناتے ہوئے آگاہ کیا کہ ہزاروں برس سے یہاں سبھی مذاہب کے ماننے والے اپنے اپنے عقیدے کے ساتھ تہوار مناتے رہے ہیں اور اگر کسی شر پسند نے ان تہواروں میں خلل پیدا کرنے کی کوشش کی تو حکومت اس کے ساتھ سختی سے نمٹنے کو تیار ہے کیونکہ صوبے میں یوگی بابا کی سرکار ہے۔
مزید پڑھیں:Jamiat Ulema Appeal to Muslim Community شب برات، ہولی سے متعلق جمیعت علما کی مسلمانوں سے اپیل
