فائر سروس ویک: کمشںر کا پولیس اہلکاروں کو پیغام

اس موقع پر پولیس کمشنر آلوک سنگھ نے فائر سروس سے وابستہ افسران اور ملازمین سے ملاقات کی اور کہا کہ آج کا دن ان کے لئے بہت اہم ہے۔ فائر سیفٹی ہفتہ آج سے منایا جائے گا۔

ریاست اتر پردیش کے نوئیڈا میں پولیس کمشنر آلوک سنگھ کی سربراہی میں پولیس کمشنر آفس 108 میں فائر سروس میموریل ڈے کی تقریب کا انعقاد کیا گیا۔

اس موقع پر پولیس کمشنر آلوک سنگھ نے فائر سروس سے وابستہ افسران اور ملازمین سے ملاقات کی اور کہا کہ آج کا دن ان کے لئے بہت اہم ہے۔ فائر سیفٹی ہفتہ آج سے منایا جائے گا۔ اس موقع پر پولیس کمیشنر نے جھنڈی دکھا کر ایک ریلی کو روانہ کیا۔

پولیس کمشنر نے کہا کہ آج ضلع میں آتشزدگی کے واقعات کی روک تھام کے سلسلے میں تمام افسران اور ملازمین آگ سے بچنے کے حوالے سے عوام کو بیدار کریں اور ماک ڈریل کرا کر لوگوں کو بھی آگ بجھانے اور اس سے بچاؤ کی تربیت دیں۔

انہوں نے یہ بھی کہا کہ فائر سروس کے افسران اور ملازمین کا آگ لگنے کے واقعات کی روک تھام اور آتشزدگی پر قابو پانے میں بہت اہم کردار ہے۔

اس موقع پر ایڈیشنل پولیس کمشنر لاء اینڈ آرڈر، ایڈیشنل کمشنر پولیس ہیڈ کوارٹرز اور دیگر افسران موجود رہیں۔