نوئیڈا:ریاست اترپردیس کے نوئیڈا کے سیکٹر 24 تھانہ کے تحت ایلیویٹڈ روڈ پر دیر رات ایک خوفناک سڑک حادثے میں ایک خاتون کی موت ہو گئی۔ اس حادثے میں دیگر 5 افراد زخمی ہوگئے ہیں۔ پولیس نے ٹریفک پولیس کی مدد سے گاڑی کو جائے وقوع سے ہٹا دیا ہے۔ واقعے کی وجوہات جاننے کے لئے فرانزک ماہرین کی مدد لی جا رہی ہے۔یہ سڑک حادثہ سیکٹر 24 تھانہ علاقہ میں پیش آیا۔ جہاں دیر رات ایک تیز رفتاری گاڑی بے قابو ہو گئی۔ ڈرائیور کا کار پر سے کنٹرول ختم ہونے کی وجہ سے گاڑی ڈیوائیڈر سے ٹکرا کر الٹ گئی۔
اس حادثے میں خاتون بھومیکا جادون کی موقع پر ہی موت ہو گئی ہے۔ رابن، پربھاش، ارپت، ابھیشیک اور شویتا اسپتال میں داخل ہیں۔ جن کو معمولی چوٹیں آئی ہیں۔ پولیس حادثے کی تحقیقات کر رہی ہے۔متوفیہ خاتون کی شناخت درپن کالونی، گوالیار کی بھومیکا جدون کے طور پر کی گئی ہے، جو نوئیڈا کی ایک کمپنی میں کام کرتی تھی۔ رات گئے سیکٹر 18 میں پارٹی کرنے کے بعد کار سوار سیکٹر 62 کی طرف جا رہے تھے۔ بتایا جاتا ہے کہ واقعہ کے وقت تمام لوگ نشے میں تھے۔
اے ڈی سی پی آشوتوش دویدی نے بتایا کہ تقریباً 12:30 بجے ایک کار نمبر یو پی 14 سی ایل 7741 گیجھوڈ ریڈ لائٹ کے اوپر ایلیویٹیڈ روڈ پر بے قابو ہو کر ڈیوائیڈر سے ٹکرا کر الٹ گئی۔ کار میں سوار 6 افراد زخمی ہو گئے۔ اس میں ایک خاتون کی موت ہو گئی ہے۔ انہوں نے بتایا کہ ابھی تک یہ واضح نہیں ہے کہ یہ حادثہ کیوں اور کیسے ہوا۔ تحقیقات میں اگر اس حادثے میں کار ڈرائیور کی لاپرواہی کا معاملہ سامنے آیا تو شواہد کی بنیاد پر اس کے خلاف کارروائی کی جائے گی۔
یہ بھی پڑھیں:Fire in Himachal Pradesh ہماچل پردیش کے اونا میں آگ لگنے سے چار بچے ہلاک
