'رامپور کے کسان بھی ہوں گے کسان مہا پنچایت میں شامل'

کسان رہنما رادھے شیام نے کہا کہ 'مظفر نگر میں کسانوں کی 5 ستمبر کو مہاپنچایت ہے۔ جس کے لئے ہر ضلع سے کثیر تعداد میں کسان مظفر نگر پہنچیں گے۔ انہوں نے کہا کہ کسان تحریک کو مضبوطی کے ساتھ چلانے میں رامپور کا اہم رول ہے۔ انہوں نے کہا کہ ہمیں پوری امید ہے کہ کسانوں کی یہ تحریک ضرور کامیاب ہوگی۔

ریاست اترپردیش کے ضلع رامپور میں بھارتی کسان یونین کے کارکنان مظفر نگر میں 5 ستمبر کو ہونے والی مہاپنچائت کی تیاریوں میں مصروف ہیں۔ میڈیا نمائندوں سے بات کرتے ہوئے کسان رہنما رادھے شیام نے کہا کہ 'زرعی قوانین کے خلاف 9 ماہ سے کسان تحریک چلا رہے ہیں۔ جب تک ان تینوں قوانین کو واپس نہیں لیا جاتا تب تک کسانوں کی تحریک جاری رہے گی۔ انہوں نے کہا کہ لاکھوں کی تعداد میں کسان مظفر نگر پہنچ رہے ہیں۔

رامپور مرادآباد کے درمیان ٹول پلازہ پر میڈیا کے نمائندوں سے بات کرتے ہوئے بھارتی کسان یونین مرادآباد ڈویژن کے کو-آرڈینیٹر نے کہا کہ 'مرکزی حکومت کے زرعی قوانین کے خلاف 9 ماہ سے کسان ہزاروں کی تعداد میں سڑکوں پر ہیں۔ انہوں نے کہا کہ کسانوں کی دو مطالبات ہیں۔ ایک یہ کہ ان تینون زرعی قوانین کو حکومت منسوخ کرے اور دوسرے یہ کہ ایم ایس پی کو قائم رکھا جائے۔

رادھے شیام نے کہا کہ مظفر نگر میں کسانوں کی 5 ستمبر کو مہاپنچایت ہے۔ جس کے لئے ہر ضلع سے کثیر تعداد میں کسان مظفر نگر پہنچیں گے۔ انہوں نے کہا کہ کسان تحریک کو مضبوطی کے ساتھ چلانے میں رامپور کا اہم رول ہے۔ انہوں نے کہا کہ ہمیں پوری امید ہے کہ کسانوں کی یہ تحریک ضرور کامیاب ہوگی۔

زرعی قوانین سے متعلق حکومت کے اڑیل رویے پر اپنے سخت ردعمل کا اظہار کرتے ہوئے انہوں نے کہا کہ 2022 میں ہونے والے اترپردیش اسمبلی انتخابات میں کسان بتادیں گے کہ کسانوں کے ووٹ کی طاقت کیا ہے'۔