ریاست اتر پردیش کے مرادآباد رامپور روڈ ٹول پلازہ پر تینوں زرعی قوانین کے خلاف کسان مسلسل احتجاج کر رہے تھے، جیسے ہی کسانوں کو اس بات کی اطلاع ملی کہ ملک کے وزیراعظم نریندر مودی نے زرعی قوانین واپس لینے کا اعلان کردیا ہے۔ کسان بینڈ باجے اور ڈھول کے ساتھ اپنی خوشی کا اظہار کرتے نظر آئے۔
اس موقع پر بھارتیہ کسان یونین کے قومی ترجمان رندھیر سنگھ چودھری نے میڈیا سے بات چیت کرتے ہوئے کہا کہ جب تک یہ قوانین پارلیمنٹ میں واپس نہیں لیے جاتے تب تک ہمارا احتجاج جاری رہےگا۔
رندھیر سنگھ نے کہا کہ کسانوں کے اس احتجاج میں جو کسان ہلاک ہوئے ہیں۔ ہم انہیں خراج عقیدت پیش کرتے ہیں۔ وزیراعظم کے اس اعلان کے بعد کسانوں کی جیت ہوئی ہے۔ جمہوریت کی جیت ہوئی ہے، آئین کی جیت ہوئی ہے۔ حکومت نے کسانوں کے اوپر ظلم کیا ہے۔
یہ بھی پڑھیں: farm laws repeal: رامپور میں کسانوں کا جشن
انہوں نے مزید کہا کہ اس بل کو واپس لیے جانے کی لڑائی میں تقریبا 700 کسانوں نے اپنی جان دی ہے۔ ہمارا احتجاج ابھی ختم نہیں ہوا ہے۔ احتجاج تب تک جاری رہے گا جب تک قوانین واپس لیے جانے کا فیصلہ تحریری طور پر نہیں آ جاتا۔
