جیسے جیسے ریاستی انتخابات نزدیک آرہے ہیں۔ سبھی سیاسی پارٹیاں تیاریوں میں لگی ہیں۔ اگر بات کی جائے راشٹریہ لوک دل پارٹی کی تو راشٹریہ لوک دل کے صوبائی سکریٹری مطلوب احمد نے ای ٹی وی بھارت اردو سے خاص بات چیت کی۔
انھوں نے کہا کہ 27 تاریخ کو راشٹریہ لوک دل کے جین چودھری مرادآباد آرہے ہیں۔ بہت جلد ہی یہ اعلان ہو جائے گا کہ راشٹریہ لوک دل اترپردیش میں کتنی سیٹوں پر الیکشن لڑے گی۔
کانٹھ اسمبلی سیٹ سے ممکنہ امیدوار مطلوب احمد نے کہا کہ اجیت چودھری کا انتقال ہوجانے کے بعد جینت چودھری پہلی بار اپنی آشیرواد یاترا نکال رہے ہیں۔ وہ 27 اکتوبر کو مرادآباد کے کانٹھ پہنچیں گے۔ راشٹریہ لوک دل ہمیشہ سے ہی کسانوں کی حمایت میں رہی ہے۔
یہ بھی پڑھیں:بارہ بنکی: سم درشی سماج پارٹی نے فاونڈیشن ڈے منایا
مطلوب احمد نے مزید کہا کہ 'ہم نے ہمیشہ عوام کی مدد کی ہے۔ کورونا وائرس وبا کے چلتے ملک بھر میں لاک ڈاؤن کے دوران بھی ہم نے لوگوں کی مدد کی۔ اتر پردیش میں راشٹریہ لوک دل اپنی سرکار بنانے کیلئے جو سیکولر پارٹی ہوگی ہم اس سے اتحاد کریں گے لیکن بھارتیہ جنتا پارٹی سے ہمارے لیڈر نہ اتحاد کرنے کو تیار ہیں اور نہ ہی کریں گے'۔
