اترپردیش میں یوگی حکومت سے ہرطبقہ پریشان: انیس راجہ

سماجوادی پارٹی کے یوتھ رہنما انیس راجہ نے آج کہا کہ اترپردیش میں یوگی حکومت سے ہر طبقہ پریشان ہے، اس لئے ہم سب کو مل کر یہ عہد کرنا چاہئے کہ موجودہ حکومت کو بے دخل کرکے اکھیلیش یادو کی قیادت میں حکومت بنانے کےلیے ہرممکن کوشش کی جائے گی۔

سماج وادی پارٹی کے ملائم یوتھ بریگیڈ کے ریاستی صدر انیس راجہ نے آج ضلع یونٹ کا جائزہ لینے نوئیڈا پہنچے، جہاں پہلے سے موجود سماجوادی پارٹی کے کارکنان نے ان کا والہانہ استقبال کیا۔

اس دوران انیس راجہ نے کہا کہ ریاست میں ترقیاتی کام نہ ہونے کے برابر ہیں۔ کسان، نوجوان، تاجر سمیت تمام طبقات انتہائی پریشان ہیں اور موجودہ حکومت سے جلد از جلد نجات حاصل کرنا چاہتے ہیں۔ انہوں نے کہا کہ اقتدار کی چابی نوجوانوں کے ہاتھ میں ہے اور ہم سب کو مل کر یہ عہد کرنا چاہئے کہ جب تک یوگی حکومت سے بے دخل کر کے اکھیلیش یادو کی قیادت میں حکومت نہیں بنالیتے تب تک سکون سے نہیں بیٹھیں گے۔

اترپردیش حکومت سے ہر طبقہ پریشان ہے:انیس راجہ

اس موقع پر یوتھ بریگیڈ سماج وادی پارٹی کے ریاستی سکریٹری محمد نوشاد، سینئر لیڈر فخرالدین کوٹیا، انعام بھائی، یوتھ بریگیڈ میٹروپولیٹن کے صدر کنور نادر شاہ، ظہور خان، محمد عمران خان، اسٹوڈنٹ کونسل کے صدر اتل یادو کے علاوہ دیگر رہنما موجود تھے۔