کانگریس شہر کمیٹی کے درجنوں کارکنان اور عہدیداروں نے مدھیہ پردیش کے مندسور میں مسلمانوں کے مذہبی مقامات کو نقصان پہنچانے کے خلاف احتجاج کیا۔
کانگریس پارٹی کارکنان ضلع کلکٹریٹ کے باہر جمع ہوئے اور ضلع مجسٹریٹ کے ذریعہ صدرجمہوریہ ہند رام ناتھ کووند کے پاس ایک میمورنڈم بھیجا۔
اس موقع پر کانگریس پارٹی کے ضلع صدر اقلیتی سیل سلیم احمد نے کہا کہ پولیس بے گناہ اور متاثرین کو حراست میں لے رہی ہے۔
انھوں نے کہا کہ ہم حکومت سے مطالبہ کرتے ہیں کہ مندسور میں مذہبی مقامات پر جو نقصان پہنچایا گیا ہے، اس کی جلد از جلد مرمت کرائی جائے ایف آئی آر کرکے مجرموں کے خلاف سخت سے سخت کارروائی کی جائے۔
مزید پڑھیں:پریاگراج کے بمل کشور کا لمکا بک آف ریکارڈ میں نام درج
انھوں نے مطالبہ کیا ہے کہ مذہبی مقامات کو نقصان پہنچانے کی کارروائی میں جن بے گناہ افراد حراست میں لیا گیا ہے، انہیں رہا کیا جائے۔
