بارہ بنکی: ریاست اتر پردیش کے ضلع بارہ بنکی میں بدھ کو آزادی گورو یاترا ناگیشور ناتھ مندر سے شروع ہوئی جو پٹیل چوراہے پر پٹیل جی کو خراج عقیدت پیش کرنے کے بعد ختم ہوئی۔ اس موقع پر سابق ریاستی وزیر نکول دوبے نے کہا کہ ہماری گورو یاترا اصل ہے جب کہ مہم نقلی ہے۔ انہیں 2014 سے اب تک کا حساب دینا چاہیے تھا، لیکن وہ حساب دینے کے بجائے ہر گھر ترنگا مہم لیکر آ گئے۔
وہیں سابق رکن پارلیمان و کانگریس کے قومی ترجمان پی ایل پنیا نے کہا کہ بی جے پی کی ہر گھر ترنگا مہم کانگریس کی نقل ہے۔ انہوں نے کہا کہ ادئے پور کے اجلاس میں یہ طے ہوا تھا کہ ہم آزادی گورو یاترا نکالیں گے۔ اس کی نقل میں بی جے پی نے ہر گھر ترنگا مہم شروع کردی ہے۔ انہوں نے مزید کہا کہ جہاں تک ترنگے کے احترام کا سوال ہے، دیکھنا ہے کہ وہ اس کا احترام کس قدر کرتے ہیں۔ جب ترنگا قومی پرچم کے طور پر لایا گیا تو ان کے لیڈروں اس کی مخالفت کی تھی اور آزادی کے وقت ان کے رہنما انگریزوں کا ساتھ دے رہے تھے۔ اس طرح ان کی یہ مہم بھول سدھار ہے اور کچھ نہیں۔
یہ بھی پڑھیں: Har Ghar Tiranga: ہر گھر ترنگا مہم کے تحت مسلم نوجوان پد یاترا پر نکلا
