ریاست اتر پردیش میں شراب تسکری کی روک تھام کے تناظر میں محکمہ ریونیو، محکمہ ایکسائز اور پولیس کی مشترکہ ٹیم نے ضلع میرٹھ کی متعدد شراب کی دکانوں کا معائنہ کیا۔
اس دوران معائنہ کر دہ ٹیم نے شراب کے نمونے لے کر جانچ کے لیے میرٹھ لیبارٹری بھجوا دیا ہے، ضلع کی تمام دکانوں کی جانچ ڈسٹرکٹ مجسٹریٹ کی تشکیل کردہ مشترکہ ٹیموں کے ذریعہ کی جانی ہے۔
نیز غیر قانونی شراب فروخت کرنے کا شبہ والے مقامات پر چھاپے ماری کی جانی ہے تاکہ کہیں بھی غیر قانونی شراب فروخت نہ ہو۔
ضلع ایکسائز آفیسر راکیش کمار سنگھ کے مطابق یہ سلسلہ آگے بھی جاری رہے گا۔
