جموں۔ سرینگر قومی شاہراہ: سڑک حادثے میں ایک ہلاک

سڑک حادثے میں ہلاک ہونے والے راہگیر کی شناخت اشوک کمار کے طور پر کی گئی ہے۔ بتایا جا رہا ہے کہ اشوک کمار اپنے خاندان کے لیے راشن لینے گیا تھا اور جب وہ سڑک کنارے چل رہا تھا تبھی جموں سے کشمیر کو جانے والی ایک تیز رفتار ٹرک نے انہیں کچل دیا اور اشوک کمار کی موقع پر ہی موت ہوگئی۔

اشوک کمار پیشے سے یومیہ مزدور تھے، مزدوری کے ذریعےخاندان کے لیے روزی روٹی کا انتظام کرتے تھے۔ خاندان میں بیوی سمیت چار بچے ہیں جن میں دو بیٹیاں ہیں اور دو بیٹے ہیں۔ سڑک حادثہ کے بعد ٹرک ڈرائیور نے موقع سے فرار ہونے کی کوشش تاہم پولیس نے ڈرائیور کو چنئینی کے پاس سے پکڑ لیا۔

خیال رہے کہ جموں ۔ سرینگر قومی شاہراہ لوگوں کے لیے مہلک بن گئی ہے کیونکہ قومی شاہراہ بند ہونے کی وجہ سے ادھم پور میں گاڑیوں کو روکا جاتا ہے اور جب گاڑیوں کو کشمیر کی جانب جانے کی اجازت ہوتی ہے تو آگے نکلنے کی ہوڑ میں ٹرک ڈائیور ریس لگا تے ہیں اور آئے دن حادثات ہوتے رہتے ہیں۔ آج کے حادثے میں ایک شخص کی موقع پر ہی موت ہوگئی۔ یہ انتہائی افسوسناک ہے۔ وہیں پولیس نے اس سلسلے میں کیس درج کرکے مزید تفتیش کررہی ہے۔'