چنئی: تمل اداکارہ اور بی جے پی لیڈر گوتمی تڑی مَلّا نے پارٹی سے استعفیٰ دے دیا ہے۔ آپ کو بتا دیں، گوتمی 25 سال تک پارٹی کی رکن تھیں۔ گوتمی نے اس حوالے سے ایک بیان بھی جاری کیا ہے۔ انہوں نے کہا کہ انہوں نے ہر محاذ پر پارٹی سے وابستگی کا اظہار کیا ہے لیکن پارٹی نے انہیں اہمیت نہیں دی۔ اس وجہ سے انھیں اپنی زندگی میں مشکلات کا سامنا ہے۔ تمل اداکارہ گوتمی نے الزام لگایا کہ پارٹی کا ایک طبقہ اس شخص کی حمایت کر رہا ہے جس نے مبینہ طور پر ان کے ساتھ دھوکہ کیا ہے۔
-
A journey of 25 yrs comes to a conclusion today. My resignation letter. @JPNadda @annamalai_k @BJP4India @BJP4TamilNadu pic.twitter.com/NzHCkIzEfD
— Gautami Tadimalla (@gautamitads) October 23, 2023 " class="align-text-top noRightClick twitterSection" data="
">A journey of 25 yrs comes to a conclusion today. My resignation letter. @JPNadda @annamalai_k @BJP4India @BJP4TamilNadu pic.twitter.com/NzHCkIzEfD
— Gautami Tadimalla (@gautamitads) October 23, 2023A journey of 25 yrs comes to a conclusion today. My resignation letter. @JPNadda @annamalai_k @BJP4India @BJP4TamilNadu pic.twitter.com/NzHCkIzEfD
— Gautami Tadimalla (@gautamitads) October 23, 2023
سوشل میڈیا 'ایکس' پر پوسٹ کرتے ہوئے تڑی مَلّا نے بھارتیہ جنتا پارٹی کے خلاف اپنا غصہ نکالا، پوسٹ کرتے ہوئے انھوں نے لکھا کہ انھیں 2021 کے اسمبلی انتخابات میں ٹکٹ دیے جانے کا یقین دلایا گیا تھا، لیکن آخری وقت پر ان کا ٹکٹ کاٹ دیا گیا۔ اس کے باوجود وہ پارٹی سے وابستہ رہیں۔ انہوں نے کہا کہ وہ بھاری دل اور مایوسی کے ساتھ استعفیٰ دے رہی ہیں۔ گوتمی نے سوشل میڈیا پر اس پوسٹ میں پارٹی کے قومی صدر جے پی نڈا اور پارٹی کے ریاستی صدر انامالائی کو ٹیگ کیا ہے۔ انھوں نے الزام لگایا کہ ایک شخص نے مجھے میرے پیسے، دستاویزات اور میری جائیداد کا بھی دھوکہ دیا ہے۔ ہم آپ کو بتاتے ہیں، گوتمی سی الگپّن کا ذکر کر رہی تھی، جو کبھی ان کے خیر خواہ تھے۔
یہ بھی پڑھیں:تمل ناڈو بی جے پی کے ریاستی سکریٹری ایس جی سوریا گرفتار
شکایت درج کرائی ہے:
تمل اداکارہ گوتمی نے بھی الگپّن کے خلاف شکایت درج کرائی تھی۔ اس شکایت میں کہا گیا ہے کہ الگپّن نے مجھ سے رقم، دستاویزات اور جائیداد کا دھوکہ کیا۔ اس تناظر میں گوتمی نے کہا کہ انہیں تمل ناڈو حکومت اور عدالتی نظام پر پورا بھروسہ ہے۔ انہوں نے کہا کہ میں یہ جنگ اپنے اور اپنے بچوں کے مستقبل کے لیے لڑ رہی ہوں۔ انہوں نے مزید لکھا کہ 2021 کے اسمبلی انتخابات کے وقت پارٹی نے راجاپلائم سیٹ سے ٹکٹ دینے کی بات کی تھی لیکن آخری وقت میں ٹکٹ کسی اور کو دیا گیا۔ گوتمی نے کہا کہ اب انہیں پارٹی کی حمایت نہیں مل رہی ہے جو کافی افسوسناک ہے۔