سرینگر (جموں کشمیر): بالی ووڈ کے تین بڑے اسٹار ہریتھک روشن، دیپیکا پڈوکون اور انیل کپور کی آنے والی فلم ’’فائٹر‘‘ کا ٹریلر 15 جنوری، 2024 کو جاری کیا گیا۔ ٹریلر نے مداحوں اور فلم کے شائقین میں بے پناہ جوش پیدا کر دیا ہے۔ ٹریلر کا آغاز انیل کپور کے کردار ’’گروپ کیپٹن راکیش جئے سنگھ‘‘ سے ہوتا ہے، جو ایک تربیتی کیمپ میں اسکواڈرن لیڈر شمشیر پٹھانیا (ہریتھک روشن) اور اسکواڈرن لیڈر مینل راٹھور (دیپیکا پاڈوکون) کی قیادت کرتے ہیں۔ ٹریلر میں دونوں اسکوارڈن لیڈرز کو مضبوط بندھن اور باہمی تعلقات استوار کرنے کی ہدایت کی جاتی ہے، جو جنگ کے چیلنجوں کا سامنا کرنے کے لیے ضروری ہیں۔
فلم کا پلاٹ جموں و کشمیر کے پلوامہ ضلع میں ایک عسکریت پسندانہ حملے کے گرد گھومتا ہے جس نے بھارت کو ہلا کر رکھ دیا تھا۔ ہریتک اور دیپیکا کی ٹیم تیزی سے ایک مشن پر تعینات ہوتی ہے، جس کے بعد سرحد پار سے جوابی فضائی حملہ کیا جاتا ہے۔ ٹریلر میں شدید ایکشن سیکوینس، فضائی لڑائیاں (ڈاگ فائٹ)، اور طاقتور مکالموں کی کھوج کی گئی ہے۔ فلم میں پاکستانی مقبوضہ کشمیر (پی او کے) اور بھارتی مقبوضہ پاکستان (آئی او پی) کے انتباہات بھی شامل ہیں، جو سامعین کو ایک الگ ہی لمحات سے گزارنے کا وعدہ کرتے ہیں۔
مزید پڑھیں: Fighter Shooting ریتک روشن فلم فائٹر کی شوٹنگ کیلئے آسام پہنچے
فلم کے تخلیق کاروں نے سچائی اور حقیقت پر مبنی اسٹوری کو برقرار رکھنے کو یقینی بنانے کی پوری کوششیں کی ہیں، بنیادی طور پر بھارتی جنگی طیاروں کے ساتھ بھارتی فضائیہ اڈوں پر شوٹنگ کی گئی ہے۔ ٹریلر کو زبردست ردعمل ملا ہے، جس میں دیپیکا اور ریتک دونوں نے اسے اپنے اپنے سوشل میڈیا پلیٹ فارمز پر شیئر کیا ہے۔ مداحوں کو دونوں میگا اسٹارز کے درمیان آن اسکرین کیمسٹری کا بے صبری سے انتظار ہے۔
