محکمہ موسمیات نے پیش گوئی کی ہے کہ رواں ماہ کی 13 تاریخ سے جموں و کشمیر میں برف باری کے قوی امکانات ہیں۔
محکمے کی جانب سے کہا گیا ہے کہ 13 نومبر کو مغربی ہوائیں جموں و کشمیر میں داخل ہوں گی جس سے یہاں کے میدانی اور پہاڑی علاقوں میں برفباری ہو سکتی ہے۔
محکمے کے ڈائریکٹر سونم لوٹس کے مطابق مغربی ہوائیں 13 سے 15 نومبر تک سرگرام رہیں گی جس سے کشمیر، جموں اور لداخ کے کے پہاڑی علاقوں میں ایک سے دو انچ تک برف ہوسکتی ہے، جبکہ گلمرگ اور سونمرگ اور گریز جیسے علاقوں میں درمیانے درجے کی برف باری کا امکان ہے۔
پیش گوئی کے مطابق جموں کشمیر میں اس دوران 5 سے 6 ڈگری درجہ حرارت گر سکتا ہے۔
محکمہ موسمیات اور محکمہ زراعت نے کسانوں کو ہدایت دی ہے کہ موسم کی تبدیلی کے پیش نظر وہ معقول اقدامات اٹھائے۔
غور طلب ہے کہ سرینگر میں 7 اور 8 تاریخ کی شب رواں سیزن کی سرد ترین رات رہی۔
یہ بھی پڑھیں: 'کانگڑی' کشمیر کی پہچان
جموں و کشمیر میں رواں برس خشک موسم رہنے کی وجہ سے لوگوں کو کافی دقتوں کا سامنا کرنا پڑا جبکہ پانی کی قلت سے بھی لوگ پریشان رہے۔
ڈاکٹرس اسوسی ایشن کشمیر نے کہا تھا کہ خشک موسم کی وجہ سے سینے کے امرض میں اضافہ دیکھنے کو مل سکتا ہے۔ جبکہ بزرگ افراد کو 'فلو ویکسین' لگانے کی سفارش کی گئی تھی۔
ان کے مطابق کورونا وبا کی وجہ سے سینے کے امراض میں مبتلا افراد کو سب سے زیادہ احتیاط برتنے کی ضرورت ہے۔
